Ашуканцы выманілі ў 64-гадовай мінчанкі ў агульнай складанасці 37 тыс. рублёў, паведаміла прэс-служба Следчага камітэта.
Устаноўлена, што жыхарцы Мінску 4 чэрвеня праз Viber патэлефанаваў невядомы і, прадставіўшыся работнікам службы бяспекі банка, распавёў аб магчымых ашуканскіх дзеяннях з грашыма пацярпелай. Ён пераканаў жанчыну ў тым, што яна павінна тэрмінова зняць наяўныя на рахунку ў банку сродкі і перавесці у іншы банк ў мэтах іх захаванасці.
Акрамя таго, зламыснік пераканаў жанчыну аформіць на сваё імя крэдыт у 5 800 рублёў і пакласці гэтыя сродкі на той жа новы рахунак.
Калі ўсе наяўныя грошы, уключаючы крэдытныя, апынуліся на адным рахунку, мужчына загадаў мінчанцы ўсталяваць прыкладанне на смартфон, якое нібыта забяспечыць захаванасць сродкаў, а пасля таго, як пацярпелая, прытрымліваючыся інструкцыі зламыснікаў, дала ім дыстанцыйны доступ да свайго смартфону і ўсіх прыкладанняў, зламыснікі забралі ўсе сродкі з яе банкаўскага рахунку.
Па дадзеным факце ўзбуджана крымінальная справа па ч. 4 арт. 212 (крадзеж маёмасці шляхам мадыфікацыі камп’ютэрнай інфармацыі, учынены ў асабліва буйным памеры) Крымінальнага кодэкса Рэспублікі Беларусь.
У Следчым камітэце нагадваюць пра неабходнасць захоўваць пільнасць пры званках ад невядомых і не перадаваць ім дадзеныя аб плацежных картах або іншую канфідэнцыйную інфармацыю.
Прэв’ю: pixabay.com
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».