Завязі агурка могуць жоўкнуць і ападаць у сілу розных абставін. Частка з іх нават не залежыць ад старанняў агародніка. Як дакладна вызначыць, ці ёсць ваша віна ў тым, што культура дрэнна пладаносіць і скідае недваспелыя завязі?
У многіх выпадках, хоць і далёка не заўсёды, у «агурочных» бедах вінаваты вытворца насення. Асабліва часта непрыемныя сюрпрызы падкідваюць шматфункцыянальныя пучковыя партэнакарпічныя гібрыды. Напрыклад, калі на ўпакоўцы з таварам вам абяцаныя залатыя горы, а замест чаканых жаночых кветак «партэнакарпік» пучкамі выкідвае мужчынскія (хоць іх у прынцыпе не павінна быць у такога гібрыда), то вы проста набылі няякасны тавар. Пры гэтым жаночыя кветкі, як правіла, адзінкавыя, цвіценне беднае, а плады сохнуць, не паспяваючы паспець. Паўнавартаснага ўраджаю ў такой сітуацыі можна і не дачакацца. Варта паспрабаваць прышчыпнуць галоўныя плеці і паназіраць за плоданашэннем на пасынках.
Гэта актуальна ў асноўным для раслін, пасаджаных рана. Другі фактар — рэзкія ваганні тэмпературы ў міжсезонне. Апошняе дрэнна ўплывае на здольнасць культуры засвойваць пажыўныя рэчывы, у выніку чаго завязі недаатрымліваюць харчавання і паліву.
Урэгуляваць сітуацыю проста. Выдаліце ўсе лісты, пад якімі ўжо апалі завязі, а таксама размешчаныя ў тых месцах пасынкі. Адрэзак плеці, які вызваліўся, злёгку прысыпце зямлёй, але так, каб падчас паліву вада не агаляла сцябло. Гэта трэба для таго, каб культура нарасціла новыя карані, размешчаныя бліжэй да ўжо пладаносных частак расліны. Так вы дасце шанц ужо наяўнай завязі адужаць і павялічыце верагоднасць паўнавартаснага плоданашэння ў тых, якія толькі знаходзяцца ў працэсе.
Калі вы вырошчваеце агуркі вертыкальным спосабам, зніміце плець са шпалеры, вызваліце ад лісця і пасынкаў яе «адпрацаваны» адрэзак, акуратна зніміце невялікі верхні пласт зямлі каля яго кораня і туды наўкруг складзіце плець. Затым засыпце грунтам, а пры неабходнасці — дасыпце зямлі.
Агуркі любяць паліў і дрэнна развіваюцца без неабходнага для іх аб'ёму вадкасці. Яны могуць дрэнна завязваць плады. Зрэшты, тое ж самае адбываецца і пры пераліванні. У агуркоў ёсць строга вызначаныя нормы паліву, парушаць якія не рэкамендуецца. У прыватнасці, пасля з'яўлення завязяў і да заканчэння актыўнага збору пладоў паліваць агуркі трэба тройчы на тыдзень, расходваючы да 8-12 л вады на 1 кв.м. Тэмпература вады для паліву павінна быць не меншая за 25-28 °С, каб расліны выкарыстоўвалі неабходны ім аб'ём, а лішкі вільгаці выпарваліся. Адна з прычын страты завязяў — паліў халоднай вадой.
У выпадку з агуркамі ў перыяд плоданашэння ў яснае надвор'е тэмпература павінна быць у межах 23—26 °C, у пахмурныя дні — 21—23 °C, у начны час — 18—20 °C. Пры больш высокіх значэннях пылок у пчолаапыляльных сартоў ападае, і ўраджаю чакаць не варта. Зрэшты, «партэнакарпікі» таксама не вельмі даруюць спякоту.
Гаворка не ідзе пра відавочны дэфіцыт нейкага вызначанага элемента (гэта звычайна можна заўважыць, агледзеўшы лісце). Часам раслінам не хапае харчавання ў цэлым, альбо прапорцыі макра- і мікраэлементаў у глебе не дазваляюць некаторым з іх у поўнай меры засвойвацца.
Каб дапамагчы агуркам, у самым пачатку плоданашэння ўжываюць раствор з 1 ст. л. нітрафоскі на 10 л вады. Праз пару тыдняў у такім жа аб'ёме вады разводзяць 0,5 л каравяку і 1 ст. л. сульфату калію. У жніўні праводзяць пазакаранёвую падкормку з 1 ст. л. суперфасфату і 1 ст. л. сульфату калію на 10 л вады.
Прамы і ўскосны ўплыў на плоданашэнне агуркоў могуць аказваць і інфекцыі. У большасці выпадкаў першыя прыкметы відавочныя. Каб нічога не прапусціць, пару разоў на тыдзень уважліва аглядайце расліну. Калі часткі раслін падазрона змянілі колер або на іх з'явіліся плямы, гнілыя месцы, пацямненні, тэрмінова правядзіце апрацоўку плецяў падыходзячымі прэпаратамі.
Засцярога агуркоў ад шкоднікаў — найважнейшая задача агародніка, бо інакш лёгка можна застацца без ураджаю!
Часам насякомыя не могуць паўнавартасна апыліць агуркі (напрыклад, днём вы хаваеце пасадкі ад спёкі, а ўначы пчолы і іншыя натуральныя апыляльнікі спяць). У гэтым выпадку давядзецца дапамагчы насякомым і зрабіць дадзеную працэдуру самім.
Вазьміце мужчынскую кветку без завязі, паабрывайце ўсе пялёсткі і прыкладзеце яе да ўсіх жаночых кветак.
Ірына ТАМКОВІЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
