У гэтыя выхадныя шлюз «Дамброўка» на Аўгустоўскім канале зноў стане цэнтрам прыцягнення адпачывальнікаў. У суботу, 7 жніўня, тут пройдзе традыцыйнае мерапрыемства «Свята мора». Лакацыі пачнуць працаваць з 12.00.
Нягледзячы на тое што летась пандэмія выкрасліла многія масавыя мерапрыемствы з календара, сёлета работнікі культуры вырашылі нагадаць пра вясёлыя традыцыі. У Гродзенскім раённым культурна-інфармацыйным цэнтры расказалі, што гледачы сапраўды паспелі засумаваць па яркіх і відовішчных мерапрыемствах, тым больш з году ў год «Свята мора» праходзіць вельмі маштабна і весела.
— Гэтым разам падзея пройдзе без традыцыйнага абласнога спартыўнага свята «Плаванне на чым патрапіла». Але ў праграме будзе мноства іншых запамінальных падзей. Кожны незалежна ад узросту зможа знайсці сабе тут «марскую» забаўку па душы, — адзначыла галоўны рэжысёр па арганізацыі масавых святаў цэнтра Дар’я ЯНЧЫ.
Гасцям Аўгустоўскага канала прапануюць стаць гледачамі незвычайных спартыўных спаборніцтваў. Тут пройдзе традыцыйны чэмпіянат Гродзенскай вобласці па «балотным футболе», а таксама спаборніцтвы па пляжным валейболе. Калі апошнія гульні для нас звыклыя, то футбол у балоце — з’ява ўнікальная. Для гледачоў, вядома, у чымсьці вясёлая, але ўдзельнікам літаральна прыйдзецца выпацкацца у брудзе, каб перамагчы.
Дарэчы, каб нічога не прапусціць, лепш на шлюз прыязджаць да пачатку мерапрыемства. Яно адкрыецца тэатралізаваным урачыстым шэсцем Нептуноў.
Працягне весялосць канцэртная праграма артыстаў творчых калектываў Гродзенскага раёна.
— Работнікі Сапоцкінскага культурна-турыстычнага цэнтра сумесна з Раціцкім цэнтрам культуры збяруць інтэрактыўную пляцоўку, дзе ўсе ахвотныя будуць маляваць, фарбаваць і ўсталёўваць шлюзы, майстраваць лодкі і байдаркі. Акрамя таго, пройдуць майстар-класы па вырабе папяровых караблікаў. Арганізатары ўсталююць таксама кантэнт-лакацыю «Сэлфі, мора, Instagram», дзе будзе больш за восем тэматычных фотазон, — патлумачыла арганізатарка.
У гэты дзень на шлюзе Дамброўка будзе арганізавана шмат лакацый з конкурсамі, пазнавальнымі і забаўляльнымі гульнямі. Да прыкладу, спаборніцтвы па перастрэлцы воднымі пісталетамі, пенная вечарына, забавы у басейне.
Усе ахвотныя змогуць перакусіць у зонах фудкорту, а пры жаданні праехацца па шлюзах, наведаць музей гісторыі Аўгустоўскага канала або пракаціцца на цеплаходзе, загадзя набыўшы квіток.
Аліса СКІБА
Фота БелТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
