Вы тут

Шэраг зваротаў аб рабоце і развіцці фермерскіх гаспадарак паступілі да старшыні Гомельскага аблвыканкама Генадзя Салаўя


Да губернатара звярнуўся Ігар Грынько, які імкнецца вырашыць пытанне правядзення лініі электраперадачы да асабістай дапаможнай гаспадаркі. Электраэнергія неабходная фермеру для паліву насаджэнняў на ўчастках, дзе ён вырошчвае кавуны і дыні. Між тым мужчына не згодны з коштам работ па электрафікацыі, агучаным у РУП «Гомельэнерга».


— Наша задача — вывучыць прававое поле. У рамках закона аб асабістых падсобных гаспадарках прааналізаць варыянты вырашэння пастаўленага пытання, — даў адказ на зварот Генадзь Салавей. Кіраўнік рэгіёна адзначыў, што на перспектыву ў рэгіёне варта прапрацаваць і пытанне рэалізацыі ўраджаю фермераў. Важна падтрымліваць тых, хто ідзе працаваць на зямлі, — упэўнены губернатар.

Між іншым зварот Аляксандра Губанава датычыўся вядзення фермерскай гаспадаркі каля пасёлка Каралін Гомельскага раёна. Заяўнік атрымаў участак летась — імкнецца развіваць пчалярства, вырошчванне буякоў і клубніцы, марыць закласці вялікі сад пладовых дрэў. Мужчына пачаў раскарчоўваць тэрыторыю, але з-за паводкі не змог працягнуць намечаныя работы. Паводле яго слоў, тэхніка грузне. Ён просіць падтрымкі ўладаў у правядзенні меліярацыі.

Яшчэ адзін зворт паступіў ад пачынаючага фермера таксама з Гомельскага раёна. Віталь Цапаў пад вырошчванне плодаагароднінных культур атрымаў участак каля вёскі Сеўрукі Гомельскага раёна.

— Пакуль не магу прыступіць непасрэдна да запланаванай дзейнасці. Лічу, што варта змяніць канцэпцыю выкарыстання выдзеленага ўчастка. Прапаную стварыць паўнавартасную рыбалоўную гаспадарку і аказваць паслугі па рэкрэацыйным рыбалоўстве. І гэты ўчастак сам просіцца пад дадзеныя мэты, - лічыць заяўнік. Ён распавёў, што мае намер разводзіць у вадаёме асятроў, гатовы развіваць неабходную інфраструктуру вакол участка.

Старшыня аблвыканкама адзначыў, што гатовы выехаць на месца і дэталёва вывучыць сітуацыю са спецыялістамі Гомельскага райвыканкама.

Дарэчы, усяго на прыём да кіраўніка рэгіёна запісаліся восем чалавек, пытанні двух з іх былі вырашаны яшчэ да сустрэчы.

Наталля КАПРЫЛЕНКА

фота gp.by

Выбар рэдакцыі

Палітыка

Перакрылі кісларод. Чаму ва Украіне склалася патавая сітуацыя падчас пандэміі?

Перакрылі кісларод. Чаму ва Украіне склалася патавая сітуацыя падчас пандэміі?

Украіна выйшла на трэцяе месца ў свеце і першае ў Еўропе па смяротнасці ад COVІD-19.

Грамадства

Размовы на кухні. Альбо ткаць, альбо прасці, альбо песенкі спяваць

Размовы на кухні. Альбо ткаць, альбо прасці, альбо песенкі спяваць

Сёння гутарка прысвечана выбару прафесіі для хлопцаў і дзяўчат.

Грамадства

Як выбраць самыя дакладныя тэрмометр і танометр

Як выбраць самыя дакладныя тэрмометр і танометр

У апошнія гады з прычыны пандэміі многія медыцынскія тэрміны сталі агульнаўжывальнымі словамі.

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.