Вы тут

КДБ Беларусі атрымаў з Кіпра некалькі новых тамоў матэрыялаў па крымінальнай справе ў дачыненні да Віктара Бабарыкі


Пра гэта расказаў старшыня КДБ Іван Тэртэль у дакументальным серыяле «Беларусь супраць каляровай рэвалюцыі». Першую серыю «Змова» паказалі сёння на тэлеканале СТБ, паведамляе БелТА.


«З Кіпра атрымалі некалькі тамоў матэрыялаў, якія яшчэ раз пацвердзілі (вінаватасць Віктара Бабарыкі ў інкрымінаваных злачынствах. — Заўвага. БелТА). Ёсць і фатаграфіі Бабарыкі, і апытанні асоб, якія маюць дачыненне да рэгістрацыі рахункаў, іх функцыянавання. Думаю, гэта трэба будзе дадаткова апублікаваць », - сказаў Іван Тэртэль.

Мігістр замежных спраў Уладзімір Макей у фільме распавёў, як напярэдадні прэзідэнцкіх выбараў 2020 года размаўляў з некаторымі еўрапейскімі калегамі, расказваючы ім пра сітуацыю ў Белгазпрамбанку і карупцыйныя праявы сярод яго кіраўніцтва.

«Яны згаджаліся са мной. Больш за тое, я іх папярэджваў, што мы накіруем адпаведныя запыты ў іх краіны з нагоды тых ці іншых банкаў, якія таксама фігуравалі ў гэтай крымінальнай справе. І яны адназначна заяўлялі пра сваю гатоўнасць падаць усе неабходныя дакументы на гэты конт, адказаць на нашы запыты. Але, на жаль, неўзабаве пра ўсё гэта было забыта», — заявіў міністр.

Як паведамлялася, былы старшыня праўлення Белгазпрамбанка Віктар Бабарыка асуджаны да 14 гадоў пазбаўлення волі. З яго спагнаны даход, атрыманы злачынным шляхам, на суму звыш Br47 млн.

Былыя топ-менеджары Белгазпрамбанка прызнаныя вінаватымі ў атрыманні хабару ў асабліва буйным памеры арганізаванай групай.

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.