Старшыня Савета Рэспублікі Наталля Качанава ў дакументальным серыяле «Беларусь супраць каляровай рэвалюцыі» расказала пра асабістую сустрэчу са Святланай Ціханоўскай. Першы выпуск серыяла «Змова» паказалі сёння на тэлеканале СТБ, паведамляе БелТА.
«Звычайная жанчына, якая паўтарала шмат разоў, што нічога не разумее ў палітыцы. На што я ёй сказала: калі вы не разумееце ў палітыцы і ў чымсьці сумняваецеся, трэба хаця б пазаймацца, вывучыць, пачытаць нешта, паглядзець тэлебачанне, каб больш глыбока разабрацца з гэтых працэсах. Таму што яны няпростыя. Я з ёй потым засталася сам-насам і ёй сказала: «Света, вы мне ў дачкі падыходзіце. Але вы падумайце, што вы робіце. Бо гэта наша краіна, мірная, спакойная краіна. У што яна можа ператварыцца», — паведаміла Наталля Качанава.
Паводле яе слоў, Святлана Ціханоўская тады з дрыжачым голасам адказала, што не ведае, што ёй рабіць далей. «Яна паўтарала некалькі разоў, што „я нічога не разумею ў палітыцы“. Відаць, што чалавек, абсалютна выпадкова трапіў у гэтую сітуацыю, звычайная перапалоханая жанчына. Вось якое ў мяне склалася ўражанне аб той сустрэчы», — адзначыла старшыня Савета Рэспублікі.
Калі менавіта прайшла гэтая сустрэча і пры якіх абставінах, у фільме не ўдакладняецца.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
