У Мазыры жанчына падазраецца ў забойстве дзіцяці

У лясным масіве паблізу гарадской дзіцячай бальніцы ў Мазыры 30 ліпеня знойдзена цела нованароджанай дзяўчынкі, паведамляе СК.

У ходзе правядзення аператыўна-вышуковых мерапрыемстваў і следчых дзеянняў устаноўлена, што маці дзіцяці з’яўляецца 38-гадовая жыхарка Мазыра, якая вядзе бадзяжніцкі лад жыцця і злоўжывае спіртнымі напоямі. Згодна з матэрыяламі справы, жанчына выпадкова сустрэла на вуліцы даўніх знаёмых і паехала з імі на страўсіную ферму ў Мазырскім раёне. Прыехаўшы на ферму, уся кампанія на працягу некалькіх дзён распівалі спіртное ў бытавым будынку для вартаўнікоў. У ноч з 20 на 21 ліпеня жанчына, не звяртаючыся ў медыцынскую ўстанову, нарадзіла там жывога дзіцяці жаночага полу. Затым перавезла нованароджаную ў Мазыр, аднесла яе ў лясны масіў паблізу дзіцячай бальніцы, змясціла ў скрынку і пакінула адну.

У дачыненні да жанчыны распачата крымінальная справа па п.2 ч.2 арт.139 (забойства заведама малалетняга) Крымінальнага кодэкса Рэспублікі Беларусь.