Бабруйчанка стала ахвярай вішынгу і пазбавілася больш Br19 тыс. Аб гэтым паведамілі ва УУС Магілёўскага аблвыканкама.
«Некалькі дзён таму ў аператыўна-дзяжурную службу міліцыі звярнулася 50-гадовая жыхарка Бабруйска. Жанчына паведаміла, што стала ахвярай махляра, пазбавіўшыся грошай у суме больш як Br19 тыс.», — адзначылі ва УУС.
У месэнджеры бабруйчанцы паступіў аўдыёзванок, суразмоўца прадставіўся супрацоўнікам службы бяспекі банка і паведаміў, што ў дадзены момант хтосьці завалодаў асабістымі дадзенымі і спрабуе аформіць крэдыты на яе імя ў розных банках. Таму сумесна з супрацоўнікам праваахоўных органаў яны паспрабуюць гэтаму перашкодзіць. «Як распавёў чалавек, які тэлефанаваў, каб выявіць зламысніка, жанчыну пераканалі аб неабходнасці ўзяць крэдыты ў банках. Для пэўнасці ёй адпраўлялі „ліпавыя“ дакументы, банкаўскія карткі і пасведчанне супрацоўніка міліцыі», — падкрэслілі праваахоўнікі.
Жанчына паверыла ашуканцу і ўзяла крэдыты ў трох банках Бабруйска і перавяла грошы на ўказаны рахунак. Яна была гатова ўзяць крэдыт у яшчэ адным банку, але жанчыну спыніла калега, калі бабруйчанка прыйшла за яшчэ адной даведкай аб даходах. Спытала, навошта яна бярэ крэдыты ў розных банках, і ці не ашуканцы ёй тэлефанавалі.
Жанчына патэлефанавала на тэлефонны нумар, па якім мела зносіны раней з нібыта супрацоўнікам банка, але ёй ніхто не адказаў — нумар быў ужо недаступны.
Праваахоўнікі нагадваюць, што супрацоўнікі банкаўскіх устаноў у тэлефонных размовах ніколі не ўдакладняюць у сваіх кліентаў канфідэнцыйную інфармацыю, а нумар банкаўскай аплатнай карты ім заўсёды вядомы. Таксама банк ніколі не стане тэлефанаваць сваім кліентам з дапамогай інтэрнэт-месэнджараў. «Калі вам паступіў такі званок, то ні пры якіх абставінах, нікому і ніколі не паведамляйце інфармацыю аб сабе або сваёй банкаўскай аплатнай карце. Калі ўсё ж перадалі трэцяй асобе канфідэнцыйную інфармацыю, патэлефануйце ў свой банк і заблакуйце банкаўскую карту», — падкрэслілі праваахоўнікі.
Прэв’ю: pixabay.com
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.