Раніцай увагу ўчастковага інспектара міліцыі Маладзечанскага РАУС, які знаходзіўся па службовых справах у вёсцы Скавародкі, прыцягнулі разгорнутыя пажарныя рукавы на прысядзібным участку аднаго з мясцовых жыхароў.
У ходзе праверкі ў хляве, размешчаным з тыльнага боку зямельнага ўчастка, супрацоўнік міліцыі з калегамі выявіў тры ёмістасці з 1 978 літрамі самагоннай брагі, паведамляе УУС Мінскага аблвыканкама.
Самагонную вытворчасць двое непрацуючых мясцовых жыхароў, 1989 і 1990 гадоў нараджэння, уладкавалі грунтоўна: выяўленая шматтонная цыстэрна, вадаём, прыстасаванні для «гонкі».
Паводле інфармацыі ўпраўлення аховы правапарадку і прафілактыкі УУС Мінаблвыканкама, аб’ём выяўленага паўфабрыкату дазваляе зрабіць выснову аб тым, што самагонка выраблялася для аптовага продажу, тым больш адзін з падазраваных неаднаразова раней прыцягваўся за правапарушэнні, звязаныя з незаконным абаротам алкаголю.
Самагонная брага знішчана, праводзіцца праверка.
З 3 да 8 жніўня на тэрыторыі Мінскай вобласці праводзіцца комплекс дадатковых мер, скіраваных на папярэджанне супрацьпраўных паводзін грамадзян, падчас якога асаблівая ўвага надаецца прафілактыцы п’янства.
Сяргей РАСОЛЬКА
Фота з сайта УУС Мінскага аблвыканкама
Мерапрыемства праводзіцца на добраахвотнай аснове.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.