Прэзідэнт павіншаваў Ірыну Курачкіну

Прэзідэнт Беларусі Аляксандр Лукашэнка павіншаваў Ірыну Курачкіну з заваяваннем сярэбранай узнагароды Алімпійскіх гульняў. 

«Ты ўпэўнена ішла да алімпійскага поспеху, вяртаючыся з медалямі з кожнага буйнога турніру. І на такійскім дыване прадэманстравала высокае тэхнічнае майстэрства, сябе ў руках, уменне трываць і выдатную фізічную падрыхтоўку. Дзякуй табе і тваім настаўнікам ад усіх балельшчыкаў за гэта серабро і пазітыўныя эмоцыі», — сказана ў віншаванні.

Таксама кіраўнік дзяржавы пажадаў Ірыне моцнага здароўя, шчасця і дабрабыту.

У рамках праекту «Алімпійскі выбар» Ірына Курачкіна вырашыла падтрымаць Магілёўскі абласны комплексны цэнтр алімпійскага рэзерву, вучаніцай якога яна з’яўляецца. У рамках праекта ў Магілёў адправяцца Br15 тыс.

«Алімпійскі выбар» — сумесны маштабны праект Прэзідэнцкага спартыўнага клуба, Нацыянальнага алімпійскага камітэта і Міністэрства спорту і турызму па падтрымцы дзіцяча-юнацкага спорту ў нашай краіне. 

Падчас акцыі кожны чэмпіён і прызёр Алімпійскіх гульняў з ліку зборнай каманды Беларусі можа выбраць спецыялізаваную вучэбна-спартыўную ўстанову, якой

Прэзідэнцкі спартыўны клуб акажа бязвыплатную (спонсарскую) дапамогу для ўмацавання матэрыяльна-тэхнічнай базы, арганізацыі і правядзення спаборніцтваў, а таксама ўдзелу ў іх. Сума фінансавай дапамогі будзе залежаць ад занятага спартсменам месца і складзе за першае месца — Br20 тыс., за другое — Br15 тыс. І за трэцяе — Br10 тыс.

Валерыя СЦЯЦКО