Вы тут

Да гарачыні прывыкаеш… ​А калі ўначы ўсяго плюс 10 градусаў, гэта ўжо холадна


Першы тыдзень апошняга месяца лета ў нашай краіне характарызаваўся няўстойлівым і ўмерана цёплым надвор'ем. Сярэднясутачная тэмпература паветра знаходзілася ў межах 17—22 цяпла, што блізка да нормы, а па ўсходзе краіны было на 1—2 градусы вышэй за яе. Перыядычна адзначаліся дажджы рознай інтэнсіўнасці, якія суправаджаліся навальніцамі і (месцамі) моцнымі ліўнямі. А ў выхадныя цёплае надвор'е будзе суправаджацца дажджамі рознай інтэнсіўнасці, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У суботу цэнтр цыклона, які сёння прынёс пахмурнае і дажджлівае надвор'е, перамесціцца з нашай тэрыторыі на краіны Балтыі, і Беларусь будзе знаходзіцца ў яго тылавой зоне. Уначы на большай частцы тэрыторыі краіны ўдзень месцамі пройдуць кароткачасовыя дажджы. У асобных раёнах прагназуюцца навальніцы. Тэмпература паветра ўначы складзе плюс 11—18 градусаў. Удзень паветра прагрэецца да 18—25 цяпла.

Паводле папярэдніх прагнозаў, у нядзелю пад уплывам зоны павышанага атмасфернага ціску чакаецца пераважна без ападкаў, толькі ўдзень месцамі па захадзе ёсць верагоднасць кароткачасовых дажджоў, магчымыя навальніцы. Уначы і раніцай у асобных раёнах краіны прагназуецца слабы туман. Тэмпература паветра ўначы складзе ўсяго плюс 8—15 градусаў. Удзень будзе ад плюс 22 да 29 цяпла.

А вось у пачатку наступнага тыдня ўмовы надвор'я будуць знаходзіцца пад уплывам няўстойлівых паветраных мас і малаактыўных атмасферных франтоў, якія паступаюць з Заходняй Еўропы. Месцамі па краіне пройдуць кароткачасовыя дажджы і будзе ўмерана цёпла. У панядзелак тэмпература паветра ўначы складзе плюс 11—18 градусаў. Удзень будзе плюс 21—28 градусаў, а па паўднёвым усходзе краіны — 29—31 цяпла.

Сяргей КУРКАЧ

Прэв’ю: pixabay.com

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.