Якія цікавосткі падрыхтаваныя для чытачоў у лютаўскім нумары часопіса «Родная прырода»?
На мяжы між зімой і вясною
Люты заўсёды розны. Гэта снег з марозам і першыя буйныя адлігі, гэта яркае, але пакуль халоднае сонца, гэта працяг змрочнага зімовага сну і першыя птушкі, што нясуць вясну і свет. Розныя тэмы напаўняюць і лютаўскі нумар часопіса «Родная прырода».
У кожнай хатняй гаспадарцы шмат арганічных адходаў, напрыклад, рэшткі прадуктаў харчавання ці апалае лісце з саду. Усё гэта можа прынесці шкоду прыродзе, калі правільна не сабраць і не перапрацаваць арганіку. Як гэта зрабіць? Высвятлялі ў матэрыяле «Ежа для палігона шкодная».
Штогод у лютым Мінпрыроды падводзіць вынікі сваёй працы за мінулы год. Якія праблемы і дасягненні суправаджалі працу эколагаў у 2021-м? Адказы шукайце ў матэрыяле «Зялёныя» дасягненні неабходна прымнажаць».
Снег на палях паступова растае, змяншаецца і корка лёду на рэках і азёрах Беларусі. Гэта значыць, што ў хуткім часе ў краіне можа пачацца паводка. Але на кожнай рацэ гэты працэс ідзе па-свойму. У матэрыяле «Куды бягуць вясновыя воды? » гідролагі Белгідрамета расказалі пра фактары, ад якіх залежыць інтэнсіўнасць фарміравання вясновай паводкі, а таксама раскрылі асаблівасці вялікай вады на найбуйнейшых рэках краіны.
Мікалай Паўлянкоў з Магілёва заняў трэцяе месца на рэспубліканскім конкурсе на лепшага грамадскага эколага. Займацца гэтай высакароднай дзейнасцю – ахоўваць прыроду – яго прымусілі праблемы ў родным горадзе. Грамадскі эколаг упэўнены: кожны жыхар можа дапамагчы свайму дому, краіне, ды і планеце ў цэлым стаць больш чыстымі і прыгожымі. «Кожны мужчына павінен… так, так, пасадзіць дрэва!» – упэўнены ён.
Сацыяльна-экалагічны праект «Інклюзіўны фермер», што стартаваў у Беларусі ў 2020 годзе, дапамагае людзям з інваліднасцю весці экалагічную сельскую гаспадарку з выкарыстаннем вертыкальных фермаў на гідра- і аквапоніцы. За гэты час у краіне прайшлі шматлікія сустрэчы і навучальныя семінары, пачалося стварэнне інклюзіўнай фермы і вучэбнага класа бізнес-школы. Як можна далучыцца да праекта ці атрымаць інфармацыйную падтрымку ў гэтым кірунку, чытайце ў матэрыяле «Інклюзіўны фермер» як паскаральнік Мэтаў устойлівага развіцця».
«Ці захаваем мы ўнікальныя валуны?» – задае пытанне аўтар аднайменнага матэрыялу прафесар геалогіі Альберт Багдасараў. Ляднік пакінуў на нашай тэрыторыі шмат цікавых артэфактаў. Многія з іх сёння абвешчаны геалагічнымі помнікамі прыроды. Але ў Брэсцкай вобласці валуноў з такім статусам няма, хоць яны таксама маюць вялікую каштоўнасць для нашай краіны. Шмат падобных гігантаў і ў іншых рэгіёнах Беларусі. Як можна захаваць гэтых унікальных сведкаў гісторыі?
Матылькі – не толькі прыгожыя стварэнні прыроды, але і музы для вынаходнікаў. Менавіта дзякуючы даследаванням будовы іх цела, асабліва яркіх крылаў, многія вучоныя распрацавалі шмат карысных прыладаў. «Як матылькі дапамагаюць развіваць тэхналогіі», чытайце ў лютаўскім нумары часопіса «Родная прырода».
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.