Вы тут

Восем дзён таму пайшла з жыцця вядомая беларуская пісьменніца Алена Сямёнаўна Васілевіч


Восем дзён таму пайшла з жыцця вядомая беларуская пісьменніца Алена Сямёнаўна ВАСІЛЕВІЧ, якая нарадзілася на Случчыне 22 снежня 1922 года. Пайшла з жыцця на 99-м годзе...


Скончыўшы ў 1946 годзе філалагічны факультэт Беларускага дзяржаўнага ўніверсітэта, Алена Васілевіч працавала ў Курскім абласным выдавецтве. У 1950 — 1972 — супрацоўніца часопіса «Работніца і сялянка». Затым — загадчыца рэдакцыі літаратуры для юнацтва выдавецтва «Мастацкая літаратура». Працавала Алена Сямёнаўна і ў выдавецтве «Юнацтва».

Пакаленні падлеткаў былі захопленыя яе кнігамі. Найперш — тэатралогіяй «Пачакай, затрымайся...» Гэты цыкл склалі аповесці «Расці, Ганька», «Доля знойдзе цябе», «Новы свет», «Пачакай, затрымайся...» За гэтыя творы, напісаныя на аўтабіяграфічным матэрыяле (на восьмым годзе жыцця Алена Васілевіч засталася без бацькоў, гадавалася ў сваякоў), пісьменніца адзначана Дзяржаўнай прэміяй БССР імя Якуба Коласа (у 1976 годзе).

З-пад пяра Алены Васілевіч выйшлі кнігі «Блізкія знаёмыя», «Заўтра ў школу», «Сябры», «Падслухала сэрца», «Калінавая рукавічка», «Я з намі», «Пісар страявой часці», «Адно імгненне», «Шурка Рэмзікаў», «Мыс Добрай Надзеі», «Элегія»... Апошнія дзесяцігоддзі пісьменніца не выступала ў друку з арыгінальнымі творамі. Гаварыла ў рэдкіх інтэрв'ю пра тое, што яе час ужо мінуў, прыйшлі новыя чытачы. І ўсё ж перавыдаваліся ранейшыя кнігі, апавяданні, аповесці Алены Васілевіч уваходзілі ў калектыўныя зборнікі, хрэстаматыі. Настаўнікі беларускай літаратуры і сёння раяць іх чытаць сваім вучням, хлопчыкам і дзяўчынкам, якія адкрываюць жыццё... Прычына відавочная — у прозе, вытокі якой у іншым часе, прысутнічаюць светласць і дабрыня, без якіх не абысціся і сёння.

У пачатку 1980-х гадоў быў выдадзены трохтомнік Выбраных твораў Алены Васілевіч. Шкада, што няма пакуль асобнай манаграфіі пра творчасць пісьменніцы, аповесці і апавяданні якой яшчэ доўга будуць хваляваць чытача.

Мікола МІРШЧЫНА

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.