Вы тут

Умець абараніць свае правы


Больш за пяць тысяч зваротаў, звязаных з парушэннем правоў спажыўцоў, разгледжана Міністэрствам антыманапольнага рэгулявання і гандлю разам з выканкамамі ў першым паўгоддзі 2021 года.

Адзначаецца павелічэнне колькасці зваротаў, разгледжаных выканкамамі Гомельскай, Мінскай, Магілёўскай абласцей, адміністрацыямі раёнаў Мінска і Мінскім гарвыканкамам. Найбольшая колькасць зваротаў разгледжана Мінскім гарвыканкамам і адміністрацыямі раёнаў Мінска — 36 % ад агульнай колькасці разгледжаных, выканкамамі Магілёўскай вобласці — 15 %, Брэсцкай — 11 %, Мінскай — 10 %, астатнімі — менш за 9 %.

Па-ранейшаму сферай дзейнасці, на якую ў большай ступені скардзяцца спажыўцы, застаецца рознічны гандаль, у тым ліку продаж тавараў з дапамогай інтэрнэт-крамаў. У першым паўгоддзі 2021 года пытанняў, звязаных з продажам тавараў, паступіла 40 % ад агульнай колькасці зваротаў; 28 % зваротаў датычыліся абароны правоў спажыўцоў у сферы аказання жыллёва-камунальных паслуг; 8 % — бытавога абслугоўвання насельніцтва і паслуг сэрвісных цэнтраў; 14 % — паслуг перавозчыкаў аўтамабільным транспартам, медыцынскіх, транспартных, турыстычных, паслуг сувязі і іншых; 2 % — паслуг грамадскага харчавання, 8 % — іншых.

Па выніках разгляду пісьмовых і электронных зваротаў спажыўцам кампенсавана матэрыяльнага ўрону ў дасудовым парадку на суму 373,9 тысячы рублёў. А вось па незадаволеных у дасудовым парадку пытаннях выканкамамі было пададзена 80 позваў у суд аб абароне правоў спажыўцоў.

У мэтах абароны парушаных правоў спажыўцоў складзены 241 пратакол аб адміністрацыйных правапарушэннях, вынесена 130 прадпісанняў аб спыненні парушэнняў правоў спажыўцоў.

Найбольш часта грамадзяне звярталіся па пытаннях, звязаных з набыццём нехарчовых тавараў (мабільных тэлефонаў, бытавой тэхнікі, мэблі і іншага) неналежнай якасці, і (або) немагчымасцю іх вяртання; парушэннем тэрмінаў перадачы папярэдне аплачанага тавару; прадастаўленнем недакладнай інфармацыі пра тавары, работу, паслугі, у тым ліку на сайтах інтэрнэт-крамаў, а таксама звязаных з немагчымасцю вяртання тавараў належнай якасці, набытых падчас правядзення прэзентацый і рэкламных акцый; парушэннем прадаўцамі інтэрнэт-крамаў устаноўленых заканадаўствам тэрмінаў вяртання грашовых сродкаў за тавар належнай або неналежнай якасці; набыццём тавараў у сацыяльных сетках; якасцю ўстаноўкі дзвярэй і вокнаў, вырабам мэблі і парушэннем тэрмінаў выканання дагаворных абавязацельстваў, ліквідацыяй недахопаў аказанай паслугі (выкананай работы); дакучлівай прапановай суб'ектаў гаспадарання заключыць дагавор на выкананне работ па чыстцы вентыляцыі ў кватэры.

Для павышэння ўзроўню прававой адукаванасці і інфармаванасці грамадзян аб іх спажывецкіх правах, тлумачэння заканадаўства і правапрымяняльнай практыкі МАРГ у красавіку стварыў Telegram-канал «МАРГ аб правах спажыўцоў».

Наталля ТАЛІВІНСКАЯ

Прэв’ю: pixabay.com

Выбар рэдакцыі

Калейдаскоп

Стрэс, канкурэнцыя, жаданне камандаваць... 5 рэчаў, якія забіваюць жаноцкасць і абаянне

Стрэс, канкурэнцыя, жаданне камандаваць... 5 рэчаў, якія забіваюць жаноцкасць і абаянне

Вонкавая прыгажосць — гэта, у першую чаргу, адлюстраванне ўнутранай.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Чакаюцца дзелавыя поспехі, калі вы, вядома ж, гатовыя да працоўных подзвігаў.