Вы тут

Стандарт жыцця грамадства Беларусі — двух-трохдзетная сям'я


Каля 80 % насельніцтва Беларусі жыве ў сем'ях, а 98 % жыхароў лічаць яе найважнейшай часткай жыцця. Гэта заканамерна, бо шчаслівая сям'я — адзін з прыярытэтаў праграмы сацыяльна-эканамічнага развіцця Беларусі і аснова развіцця нацыі, упэўненая Марына АРЦЁМЕНКА, начальнік упраўлення народанасельніцтва, гендарнай і сямейнай палітыкі Міністэрства працы і сацыяльнай абароны.


Фота: БелТА

У краіне 1 млн 143 тысячы сямей з непаўналетнімі дзецьмі, дзе выхоўваецца 1 млн 767 тысяч дзяцей. У 57 % сямей — адно дзіця, у 33,5 % — двое, 9,2 % — шматдзетныя. А змены ў структуры сямей пазітыўныя. За апошняе дзесяцігоддзе на 43 тысячы вырасла колькасць сямей з двума малымі. Цяпер кожная трэцяя сям'я ў краіне — двухдзетная. На столькі ж вырасла і лічба шматдзетных сямей, дзе цяпер жыве пятая частка непаўналетніх беларусаў. Можна лічыць, што двух-трохдзетная сям'я стала сацыяльнай нормай, стандартам жыцця грамадства Беларусі, мяркуе спецыяліст:

— Выбудаваная ў краіне сістэма сацыяльнай падтрымкі — па сутнасці, візітная картка Беларусі. Падтрымка гэтая вельмі разнапланавая. Яна датычыцца сферы жыллёвага будаўніцтва, развіцця паслуг па доглядзе дзяцей, сацыяльнага абслугоўвання, гарантыі льгот у сферы адукацыі, аховы здароўя, пенсійнага, працоўнага і падатковага заканадаўства.

Стабільная і роўная падтрымка сем'яў у перыяд нараджэння і выхавання дзяцей да трох гадоў. Дапамога выдаецца на кожнага чацвёртага малога (амаль 450 тысяч дзяцей). Штогод апошнія пяць гадоў расходы на дзяржаўныя дапамогі ў Беларусі складаюць 1,8 % ад ВУП. На наступную пяцігодку мяркуецца накіраваць на гэта каля 16 млрд рублёў. 1 жніўня лічбы дапамог, дарэчы, ізноў падраслі: на першае дзіця да трох гадоў цяпер прадугледжваецца амаль 500 рублёў, на другое і наступнае — 567, нагадала Марына Арцёменка.

Важная і адрасная сацыяльная дапамога для сямей, якія аказаліся ў складаных жыццёвых сітуацыях. Яе асноўная форма — штомесячныя сацыяльныя дапамогі (95 рублёў на аднаго атрымальніка), аднаразовая сацыяльная дапамога (152 рублі) і бясплатнае харчаванне дзяцей першых двух гадоў жыцця (сярэдні кошт набору харчавання — 122 рублі).

— Летась узмацнілася адрасная дапамога шмтадзетным, — удакладніла прадстаўніца міністэрства. — Яны цяпер могуць атрымліваць штомесячную сацыяльную дапамогу не шэсць месяцаў, а ўвесь год. Акрамя таго, ім павысілі крытэрый патрэбнасці да 115 % бюджэту пражытковага мінімуму.

Праграмы сацыяльнага абслугоўвання — яшчэ адзін напрамак сацпадтрымкі. Сёння дзейнічаюць 146 тэрытарыяльных цэнтраў сацыяльнага абслугоўвання насельніцтва, дзе на ўліку больш за 257 тысяч сямей.

— У цэнтрах ёсць даволі запатрабаваныя паслугі, у прыватнасці, нянькі. Сёлета такой паслугай скарысталася ўжо амаль 2000 сямей. Права атрымаць няньку з гэтага года маюць усе сем'і, дзе выхоўваюцца інваліды да 18 гадоў, пры ўмове, што такое дзіця даглядае адзін з бацькоў і малы навучаецца дома. Для сямей, дзе выхоўваюцца дзеткі з асаблівасцямі, аказваецца паслуга сацыяльнай перадышкі (да 56 каляндарных дзён), якая таксама актыўна развіваецца. Пры гэтым права на ўсе сацыяльныя выплаты і дапамогі за сям'ёй захоўваюцца. Для сямей, якія знаходзяцца ў складанай жыццёвай сітуацыі і маюць патрэбу ў падтрымцы, прадугледжаны сацыяльны патранат. Сёлета гэтым скарысталіся 1586 сямей.

Ірына СІДАРОК

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.