Вы тут

Работа ёсць — было б жаданне


Аграгарадок Завадская Слабада ў Магілёўскім раёне — месца даволі прывабнае. Прыгожы чысты населены пункт з усімі неабходнымі для жыцця сацыяльнымі аб'ектамі і паспяховай гаспадаркай — філіялам РУП «Магілёўэнерга» «Вендараж». Тут заўсёды патрэбны працоўныя рукі. Але некаторыя тутэйшыя жыхары не вельмі спяшаюцца працаўладковацца. У аўторак лёс шасці з іх разглядалі на раённай камісіі па садзейнічанні занятасці. На жаль, чацвёра адразу ж адмовіліся, маўляў, за такую зарплату не жадаюць працаваць. Але двое паабяцалі прыйсці ў раённы цэнтр занятасці па накіраванне на работу.


Фота аўтара.

— У нас работа ёсць — было б жаданне, — кажа старшыня Заводслабодскага сельвыканкама Ірына Слабковіч. — У філіяле калгаса «Вендараж» заўсёды людзі патрэбны.

Усяго ў базе па сельсавеце 77 чалавек не занятых у працоўнай дзейнасці. Але гэта з улікам тых, хто прапісаны тут, а працуе ў Магілёве або наогул з'ехаў у Расію.

— Такіх у нас 21 чалавек, — удакладняе Ірына Слабковіч. — З імі ў нас больш за ўсё праблем. Яшчэ 30 прызнаныя занятымі гаспадарчай дзейнасцю. Яны трымаюць жывёлу, вырошчваюць сельгаспрадукцыю, займаюцца рамесніцтвам. Астатнія — дармаеды. Па законе яны абавязаны кампенсаваць дзяржаве выдаткі па камунальных паслугах — ацяпленні, вадзе і газе — у поўным памеры, але гэтыя людзі жывуць у сваіх дамах і цэнтралізаванымі камунальнымі паслугамі не карыстаюцца. Прыходзіцца пераконваць іх, што трэба працаваць. На камісіі запрашаем садзейнічаць занятасці, на СГПАП (савет грамадскага пункта аховы правапарадку) з удзелам участковага і прадстаўнікоў зацікаўленых службаў.

Лейтэнант міліцыі Магілёўскага РАУС Алег Волчак — участковы Заводслабодскага сельсавета. Прызнаецца, што перыядычна прыходзіцца супакойваць аматараў гарэлкі. Гэтым разам ён забяспечваў яўку людзей на камісію, бо самастойна прыйсці не ўсе жадаюць.

— Я працую тут з сярэдзіны студзеня, але ўжо добра ведаю патэнцыйных парушальнікаў супакою, — удакладняе суразмоўца. — Асноўныя з іх — менавіта выпівохі. Яны парушаюць правілы паводзін у грамадскіх месцах, дэбашыраць у сем'ях.

Дарэчы, у гэты ж дзень атрымалася стаць сведкам, на жаль, дастаткова тыповай для сельскіх населеных пунктаў карціны. Два мужчыны з раніцы выпілі і адмовіліся ісці на работу. У сельсавет па дапамогу да ўчастковага прыбег начальнік участка аграгаспадаркі. Адзін з парушальнікаў — непаўналетні «сірата», маці якога — абавязаная асоба, пазбаўленая мацярынскіх правоў за сяброўства з зялёным змеем, а другі — ... бацька чацвярых дзяцей. Кажуць, што шматдзетны бацька не дрэнны работнік, але «сірата» перыядычна яго збівае з правільнага шляху. Канфлікт больш-менш атрымалася ліквідаваць, але ўчастковы паабяцаў разабрацца з парушальнікамі, калі яны працверазяцца.

— Нядаўна на СГПАПе разглядалі, але высноў такія людзі не робяць, — выказвае прыкрасць участковы. — Раней у Адміністратыўным кодэксе быў артыкул, па якім за з'яўленне на працоўным месцы ў нецвярозым стане прыцягвалі да адказнасці, але з першага сакавіка кодэкс змяніўся, і гэты артыкул прыбралі. Застаецца толькі і ўздзейнічаць словам.

Нэлі ЗІГУЛЯ

Магілёўскі раён

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.