Вы тут

​У Мінску пройдзе міжнародная канферэнцыя з нагоды 30-годдзя незалежнасці Рэспублікі Таджыкістан


9 верасня 2021 ў Мінску ў памяшканні Выканкама СНД пройдзе міжнародная канферэнцыя з нагоды 30-годдзя дзяржаўнай незалежнасці Рэспублікі Таджыкістан і 25-годдзя ўсталявання дыпламатычных зносін паміж Рэспублікай Таджыкістан і Рэспублікай Беларусь.


Pixabay.com

— Гэта традыцыйнае наша мерапрыемства, — гаворыць дарадца Пасольства Рэспублікі Таджыкістан у Беларусі Салім ХАТЛАНІ, — на якім мы звычайна падсумоўваем характар беларуска-таджыкскіх сувязяў, вядзём размову пра міжнародныя прыярытэты ў палітыцы нашай краіны. Апошнія гады паказваюць, што досыць стабільна складваюцца нашы эканамічныя адносіны. У гэтым мы бачым вялікую заслугу кіраўнікоў беларускай і таджыкскай дзяржаў. Бачым, што кожная з іх сустрэч, кожная з перамоў нашых урадаў прыносяць свой плён. Выдатна, што складваюцца і добрыя гуманітарныя, культурныя адносіны. Мы ўважліва ўглядаемся ў вопыт беларускай сістэмы адукацыі. Рады, што актыўна сябруюць паміж сабою пісьменніцкія арганізацыі Беларусі і Таджыкістана. У апошнія гады ў Душанбэ ў перакладзе на таджыкскую мову пабачылі свет кнігі беларускіх паэтаў і празаікаў Алеся Бадака, Георгія Марчука, Міколы Мятліцкага, Юрыя Сапажкова і іншых літаратараў. Шмат для развіцця беларуска-туркменскіх літаратурных сувязяў зроблена: у Таджыкістане — публіцыстам, гістарычным празаікам, драматургам Ато Хамдамам, у Беларусі — перакладчыкам, публіцыстам Ірынай Качатковай. А зараз у хуткім часе ў Душанбэ пабачыць анталогія беларускай дзіцячай літаратуры. Спадзяюся, што канферэнцыя, агучаныя на ёй даклады, паведамленні паспрыяюць новым ініцыятывам па развіццю і пашырэнню беларуска-таджыкскіх сувязяў. І не апошнюю ролю ў гэтым будзе адыгрываць народная дыпламатыя.

Сяргей ШЫЧКО

Загаловак у газеце: Таджыкскі погляд

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.