У каманду ўвайшлі чацвёртакурснікі факультэта сацыякультурных камунікацый БДУ Вераніка Міхнавец, Анастасія Скакун, Паліна Іванчык, Вікторыя Іванчык, Лізавета Гіцук, Марыя Галіца і Яна Волкава, якія працавалі пад кіраўніцтвам старшага выкладчыка кафедры мастацтваў і дызайну асяроддзя Алены Матросавай.
Дзяўчаты стварылі праект дызайну інтэр'еру пяці жылых памяшканняў для сумеснага пражывання бацькоў і дзяцей у гасцявым корпусе «Рамонкавае поле» Рэспубліканскага рэабілітацыйнага цэнтра для дзяцей-інвалідаў. На працягу двух месяцаў яны займаліся стварэннем стылістыкі памяшканняў, падборам колеравай палітры, мэблі, тэкстылю, дэкору. Таксама студэнткі выканалі трафарэтную размалёўку сцен у калідоры з выявамі прыроды і жывёл.
У прэс-службе ўніверсітэта паведамілі, што каманда дызайнераў факультэта сацыякультурных камунікацый супрацоўнічае з цэнтрам ужо на працягу пяці гадоў. За гэты час было аформлена некалькі навучальных класаў. Таксама плануецца правядзенне касметычнага рамонту ў памяшканнях трэцяга паверха гасцявога корпуса «Рамонкавае поле» рэабілітацыйнага цэнтра.
За сваю работу члены дызайнерскага калектыву БДУ ўзнагароджаны падзякамі Рэспубліканскага рэабілітацыйнага цэнтра для дзяцей-інвалідаў.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.