Вы тут

Пераход беларускай школы на новыя навучальныя планы фінішуе


Пераход беларускай школы на новыя навучальныя планы, які распачаўся ў 2015/2016 навучальным годзе, фінішуе. З 1 верасня па новых навучальных планах будуць навучацца ўжо і вучні адзінаццатых класаў (на базавым і павышаным узроўнях). Пра гэта паведаміла журналістам начальнік упраўлення агульнай сярэдняй адукацыі Міністэрства адукацыі Ірына КАРЖОВА.


Фота: pixabay.com

У бягучым годзе запланавана выдаць 41 вучэбны дапаможнік, з іх 14 — па новых праграмах для адзінаццацікласнікаў. Да 1 верасня ўсе вучэбныя дапаможнікі будуць дастаўлены ў школы. Таксама электронныя версіі вучэбных дапаможнікаў, рэкамендаваных для выкарыстання ў навучальным працэсе, можна знайсці на Нацыянальным адукацыйным партале.

Усяго ў новым навучальным годзе за парты сядуць 1 мільён 85 тысяч навучэнцаў. На працягу шэрагу апошніх гадоў і агульная колькасць школьнікаў, і колькасць першакласнікаў у нашай краіне працягвала расці. Так, у бягучым годзе ў першыя класы прыйдуць 118 тысяч дзяцей.

Сёння практычна ва ўсіх школ ужо ёсць сертыфікаты гатоўнасці. «Пры падпісанні такіх сертыфікатаў улічваецца не толькі завяршэнне рамонтных работ, — падкрэсліла Ірына Каржова. — Пад увагу бярэцца забеспячэнне ўстаноў адукацыі педагагічнымі кадрамі, падручнікамі і вучэбнымі дапаможнікамі, метадычнымі матэрыяламі... Дарэчы, сістэму адукацыі сёлета папоўняць шэсць тысяч маладых спецыялістаў».

Урачыстыя мерапрыемствы, прысвечаныя пачатку навучальнага года і Дню ведаў, пройдуць ва ўстановах адукацыі 1 верасня з удзелам запрошаных прадстаўнікоў шэфскіх арганізацый, грамадскіх аб'яднанняў, кіраўнікоў міністэрстваў і ведамстваў, грамадскіх дзеячаў, вядомых выпускнікоў.

У новым навучальным годзе на старшай ступені школы будуць дзейнічаць педагагічныя, аграрныя класы, класы спартыўна-патрыятычнага і ваенна-патрыятычнага профіляў.

Для навучэнцаў базавых класаў старшай школы прадугледжаны курс прафесійнай падрыхтоўкі ў рамках прадмета «Працоўнае навучанне».

«У 2021/2022 навучальным годзе актуалізаваны пералік прафесій, якія могуць засвойвацца навучэнцамі 10—11-х класаў. Гэты пералік прадугледжвае толькі тыя прафесіі, па якіх магчымая здача кваліфікацыйнага экзамену, — падкрэсліла Ірына Каржова».

Асобнае месца ў гэтым навучальным годзе адводзіцца адукацыйным экскурсіям, якія праводзяцца ў рамках вывучэння вучэбных прадметаў.

— З 1 верасня запланавана рэалізацыя пілотнага праекта, у рамках якога будуць арганізаваны экскурсіі для навучэнцаў 10—11-х класаў — адна экскурсія на паўгоддзе, — паведаміла Ірына Каржова. — Для кожнай вобласці падрыхтаваны пералік экскурсійных аб'ектаў, рэкамендаваных для абавязковага наведвання ў рамках тэм вучэбных прадметаў, распрацаваны метадычныя рэкамендацыі па правядзенні такіх экскурсій.

Таксама з 1 верасня ва ўстановах агульнай сярэдняй адукацыі ўводзіцца новая пасада — кіраўнік па ваенна-патрыятычным выхаванні. Асноўныя напрамкамі дзейнасці новых спецыялістаў у школе — патрыятычнае выхаванне, каардынацыя работы па арганізацыі дапрызыўнай падрыхтоўкі, у тым ліку ўзаемадзеянне з камандзірамі воінскіх часцей, падраздзяленняў, начальнікамі ваенных факультэтаў і кафедраў, кантроль за захаваннем патрабаванняў па ахове працы і правіламі пажарнай бяспекі.

Службовыя абавязкі і кваліфікацыйныя патрабаванні кіраўнікоў па ваенна-патрыятычным выхаванні, умовы аплаты іх працы зацверджаныя адпаведнымі прававымі актамі. У тыпавыя штаты ўстаноў агульнай сярэдняй адукацыі ўведзена пасада «кіраўнік па ваенна-патрыятычным выхаванні».

Ірына Каржова дадала, што новы спецыяліст, акрамя выканання сваіх асноўных абавязкаў кіраўніка па ваенна-патрыятычным выхаванні, зможа весці ў школе вучэбныя заняткі па дапрызыўнай і медыцынскай падрыхтоўцы, займацца арганізацый вучэбна-палявых збораў для дзесяцікласнікаў, весці прадмет «Асновы бяспечнай жыццядзейнасці», факультатыў па бяспечнай жыццядзейнасці і факультатыўныя заняткі ваенна-патрыятычнай накіраванасці, праграмы якіх ужо зацверджаны.

Надзея НІКАЛАЕВА

Загаловак у газеце: Адукацыйны патэнцыял экскурсій

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.