Вы тут

Жанна Чарняўская: Адзінства — гэта маса паняццяў, якія цэнныя для нас, беларусаў


Дэпутат Палаты прадстаўнікоў Нацыянальнага сходу Беларусі Жанна Чарняўская.


— Падчас «Вялікай размовы» выразна акрэслілася пазіцыя нашай дзяржавы і ўсіх актыўных людзей — не баяцца і не саромецца нікога. Мы ўбачылі, наколькі блёкла выглядалі брытана-амерыканскія журналісты, якія проста паўтаралі адны і тыя ж фразы, адно і тое ж пытанне, сёння ўжо практычна не актуальнае.

Сёння мы думаем пра тое, як працягваць жыць далей у новых умовах. Натуральна, цяперашняя сітуацыя — сігнал для ўсіх структур і ўстаноў, што працаваць як раней нельга — неабходна шукаць новыя напрамкі работы. Самая важная тэма, якая гучала на працягу ўсёй «Вялікай размовы з Прэзідэнтам» — тэма яднання. Важна разумець, што такое адзінства. Асабіста я ўкладаю ў гэтае паняцце вельмі шмат сэнсаў, якія можна сабраць у адзін пасыл: яднанне народа, дзяржавы і людзей, гэта мір, дабро, прыняцце, міласэрднасць... — маса паняццяў, якія аб’ядноўваюць нас, беларусаў.

І мы не проста так у 2020 годзе ўсе разам, узначаленыя кіраўніком дзяржавы, супрацьстаялі і змаглі вытрымаць гэты націск. Вытрымліваем дагэтуль! Таму што санкцыі, якія да нас прад’яўляюць, эканамічна нас душаць, увогуле прымушаюць рухацца па-іншаму, займацца ўнутраным развіццём. Гэта свайго роду штуршок да далейшага развіцця Рэспублікі Беларусь. Гэта тое, што дапаможа нам у будучыні стаць яшчэ мацнейшымі.

Тэмы, узнятыя падчас «Вялікай размовы», і пытанні, якія ставіць перад намі дзень сённяшні, абмяркоўваюцца падчас рэгіянальных форумаў «Беларусь адзіная». Падобныя сустрэчы вельмі важныя, таму што ўсе, хто жыве і працуе ў рэгіёнах, пачуюць меркаванні экспертаў, якія агучваюць самыя вострыя пытанні, наўпрост працавалі з кіраўніком дзяржавы, у тым ліку і ў складзе канстытуцыйнай камісіі. Такія сустрэчы дапамагаюць зразумець, як далей працаваць, куды рухацца, што адбываецца ў грамадстве, як спрыяць аб’яднанню, а не раз’яднанню народа.

У гэтым выпадку хочацца ўспомніць прынцып Гая Юлія Цэзара, які нарадзіўся ў 100 годзе да нашай эры і казаў: раз’ядноўвай і ўладар. А Гётэ даказаў, што самы лепшы падыход — аб’ядноўвай і накіроўвай. І, на маю думку, Прэзідэнт і наш урад працуюць менавіта ў гэтым кірунку: аб’ядноўваюць і накіроўваюць развіццё нашай краіны.

Запісала Наталля КАПРЫЛЕНКА

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.