Вы тут

1 верасня для сенатараў выдалася вельмі насычаным: яны ўдзельнічалі ва ўрачыстых мерапрыемствах, прысвечаных Дню ведаў


Старшыня Савета Рэспублікі Наталля КАЧАНАВА адкрывала пасля рэканструкцыі сталічную гімназію № 25, што ў Заводскім раёне. Школа была адкрытая яшчэ ў 1957 годзе, таму зразумела, што маральна і фізічна ўстарэла. У 2017-м гарадскімі ўладамі было прынята рашэнне аб яе рэканструкцыі. За гэты час стары неатынкаваны будынак з белай цэглы ператварыўся ў новабудоўлю. Сёння гімназія складаецца з двух асобных карпусоў, злучаных галерэямі. Другі, дарэчы, пабудавалі з нуля, і цяпер агульная плошча ўстановы адукацыі складае 17,5 тысячы метраў.


Больш падрабязна аб наведванні спікерам Савета Рэспублікі сталічнай гімназіі мы пісалі ўчора (у № 168 ад 2 верасня).

Не абмінулі ўвагай сенатары і іншыя куткі краіны, дзе 1 верасня прагучалі першыя званкі для першакласнікаў і іншых навучэнцаў.

Так, намеснік старшыні Анатоль ІСАЧАНКА ў Дзень ведаў наведаў магілёўскую гімназію № 3. На ўрачыстай лінейцы ён пажадаў вучням, іх бацькам і настаўнікам узаемных павагі і разумення:

— Першае верасня — асаблівы дзень для першакласнікаў і іх бацькоў. Яны рыхтаваліся да гэтага дня, а цяпер хвалююцца: за якую парту пасадзяць, які будзе настаўнік. А ў тых, хто ідзе ў 11-ы клас, — іншыя чаканні. Хтосьці ўжо вызначыўся, куды будзе паступаць. Гэта час, калі маладыя людзі на парозе дарослага жыцця. І я хацеў бы пажадаць бацькам і настаўнікам, каб вы клапаціліся не толькі пра тое, каб даць дзіцяці веды, але і выхаванне. Мы павінны выхоўваць нашых дзяцей патрыётамі. А гэта значыць — любіць свой дом, сваю вуліцу, свой горад і сваю Радзіму.

Віцэ-спікер верхняй палаты парламента ўручыў гімназіі сертыфікат, а кожны з першаклашак атрымаў у падарунак ад Прэзідэнта кнігу «Беларусь — наша Радзіма».

Старшыня Пастаяннай камісіі Савета Рэспублікі па эканоміцы, бюджэце і фінансах Таццяна РУНЕЦ у гэты святочны дзень брала ўдзел ва ўрачыстай лінейцы ў ліцэі МУС.

У сваім прывітальным слове парламентарый пажадала педагогам прафесійных поспехаў, мудрасці і цярпення, вучням — настойлівасці, выдатных адзнак і творчасці ў надыходзячым навучальным годзе.

— Перакананая, што вам па сілах пераадолець усе цяжкасці, стаць па-сапраўднаму адукаванымі людзьмі і ўнесці свой уклад у развіццё роднай Беларусі, — падкрэсліла яна ў завяршэнне.

Не абышлося і без сюрпрызаў — сенатар падарыла ліцэістам ровары айчыннай вытворчасці.

Старшыня Пастаяннай камісіі Савета Рэспублікі па адукацыі, культуры, навуцы і сацыяльным развіцці Віктар Лісковіч павіншаваў са святам гімназістаў Кобрына і сустрэўся з педагагічным калектывам.

Сенатар павіншаваў педагогаў, навучэнцаў гімназіі і бацькоў з пачаткам новага навучальнага года, першакласнікам уручыў кнігі — падарунак кіраўніка дзяржавы «Беларусь — наша Радзіма».

Падчас сустрэчы сенатара з педагогамі абмяркоўваліся актуальныя пытанні развіцця сістэмы адукацыі. Парламентарый адказаў на пытанні, якія датычыліся грамадзянска-патрыятычнага, працоўнага выхавання дзяцей і моладзі, а таксама расказаў аб заканатворчай дзейнасці Савета Рэспублікі.

Разам з парламентарыем удзел у святочных мерапрыемствах бралі намеснік старшыні Брэсцкага аблвыканкама Генадзь Барысюк.

А вось старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей РАЧКОЎ разам з членам Савета Рэспублікі, старшынёй Мінскага абласнога Савета дэпутатаў Наталляй ЯКУБІЦКАЙ завіталі ў сярэднюю школу № 1 ім. В. Ф. Купрэвіча, што ў Смалявічах.

Сенатары таксама прысутнічалі на цырымоніі адкрыцця школьнага стадыёна, які цалкам змяніўся пасля рамонту: абсталяваны футбольнае поле з мяккім пакрыццём, пляцоўка для валейбола, бегавыя дарожкі і ўсталяваны трэнажоры для занятку фізкультурай. Яшчэ адна навінка — уласная скейт-пляцоўка. Наведваць стадыён цяпер могуць як школьнікі, так і жыхары мікрараёна.

Вольга АЛЯКСАНДРАВА

Фота БелТА і sb.by

Загаловак у газеце: «Мы павінны выхоўваць нашых дзяцей патрыётамі»

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.