Вы тут

«Сустрэчы. Янка Купала» — у Капыльскім краязнаўчым музеі


Адным з прыкметных мерапрыемстваў у праграме XXVIII Дня беларускага пісьменства ў Капылі стала прэзентацыя кнігі Льва КЛЕЙНБАРТА «Сустрэчы. Янка Купала» у Капыльскім краязнаўчым музеі. 


Знаёмства з кнігай, рукапіс якой чакаў выдання доўгія дзесяцігоддзі, супала з супольнай выстаўкай Літаратурнага музея Янкі Купалы і Капыльскага краязнаўчага музея, прысвечанай 145-годдзю з дня нараджэння Льва Максімавіча Клейнбарта, рускага літаратуразнаўца, журналіста, ураджэнца Капыля. 

Дырэктар Купалаўскага музея Алена ЛЯШКОВІЧ расказала, як рыхтавалася да выдання кніга, азначыла ролю Л. Клейнбарта ў станаўленні творчай асобы народнага песняра Беларусі. Вучоны сакратар музея Галіна Варонава звярнула ўвагу на асобныя старонкі «Сустрэч...». Леў Клейнбарт спрыяў выданню ў Санкт-Пецярбургу кнігі Янкі Купалы «Шляхам жыцця». 

На выстаўцы, якая так і называлася «Сустрэчы» (дарэчы, яна будзе працаваць у Капылі да 30 верасня), можна было пазнаёміцца з многімі цікавымі экспанатамі, у тым ліку — і з кнігай Л. Клейнбарта «Маладая Беларусь» (1928). У свой час якраз дырэктар Капыльскага музея Валянціна ШУРАКОВА — яна і расказала пра гэта на адкрыцці выстаўкі і прэзентацыі — пазнаёмілася з родзічамі рускага літаратуразнаўцы, сустрэлася з імі, пабывала ў Кіеве, дзе змагла забраць архіў Льва Максімавіча ў аднаго са спадчыннікаў. 

Выступіў у музеі і лаўрэат Нацыянальнай літаратурнай прэміі галоўны рэдактар выдавецтва «Мастацкая літаратура» Віктар ШНІП. Ён прачытаў «Баладу Льва Клейнбарта (15. 10. 1875 — 20. 11. 1950)», дзе ёсць і такія радкі: «З лёдам ламаюцца сцежкі і крыгі/ Глуха трашчаць і паўзуць па Няве./ Зноўку з Купалам гаворыш пра кнігі,/ Пра Беларусь маладую. Жывеш/ Сонцам, што ў вокны людзям заглянула/ І асвяціла душу і жытло./ Помніш, Капыль, шмат гадоў прамінула,/ Толькі яго не прапала цяпло...»

Кастусь ЛЕШНІЦА

Выбар рэдакцыі

Палітыка

Перакрылі кісларод. Чаму ва Украіне склалася патавая сітуацыя падчас пандэміі?

Перакрылі кісларод. Чаму ва Украіне склалася патавая сітуацыя падчас пандэміі?

Украіна выйшла на трэцяе месца ў свеце і першае ў Еўропе па смяротнасці ад COVІD-19.

Грамадства

Размовы на кухні. Альбо ткаць, альбо прасці, альбо песенкі спяваць

Размовы на кухні. Альбо ткаць, альбо прасці, альбо песенкі спяваць

Сёння гутарка прысвечана выбару прафесіі для хлопцаў і дзяўчат.

Грамадства

Як выбраць самыя дакладныя тэрмометр і танометр

Як выбраць самыя дакладныя тэрмометр і танометр

У апошнія гады з прычыны пандэміі многія медыцынскія тэрміны сталі агульнаўжывальнымі словамі.

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.