Вы тут

Як сёлета мяняліся жыроўкі


Традыцыйна «камуналка» ў Беларусі даражэе на пяць долараў на год і мяняецца двойчы: у студзені і чэрвені. Сёлета некаторыя змены адбыліся і ў пачатку восені.


Найноўшыя правілы ў аплаце жыллёва-камунальных паслуг пачалі дзейнічаць з 1 верасня. Цяпер налічэнне сумы за некаторыя ЖКП будзе разлічвацца зыходзячы з плошчы кватэры. Падобная «метражная» практыка існавала ў Беларусі, дарэчы, да 2016 года.

Наяўнасць «вялікіх метраў» адаб'ецца, прынамсі, на кошце тэхабслугоўвання ліфта. Тарыф будзе 0,0584 рубля за кожны квадратны метр кватэры. Нанава (па колькасці метраў жылля, а не пражываючых у ім чалавек) пералічаць і кошт прыборкі пад'ездаў ды электрычнасці, патрачанай на асвятленне дапаможных памяшканняў і работу абсталявання (за выключэннем работы ліфта).

У Міністэрстве ЖКГ лічаць, што вяртанне да папярэдняй практыкі аплаты згодна з колькасцю квадратных метраў будзе больш справядлівае для жыхароў. Многія маюць ва ўласнасці не адзін аб'ект нерухомасці і не жывуць у некаторых кватэрах, дык няхай такія ўласнікі і плацяць прапарцыянальна набытым метрам. Акрамя таго, набываючы жыллё, чалавек становіцца ўласнікам не толькі таго, што ўнутры кватэры, але і таго, што па-за яе межамі (часткі агульнай уласнасці). А вось памер долі чалавека ў агульнай уласнасці вызначаецца набытымі «квадратамі», і будзе правільна, калі ўладальнік «трохпакаёўкі» будзе плаціць больш, чым уладальнік аднапакаёвай кватэры.

Перад гэтым сёлета камунальныя плацяжы мяняліся 1 чэрвеня. Тады ж, дарэчы, у некаторых жыроўках з'явіўся новы радок — «кіраванне агульнай маёмасцю сумеснага домаўладання» з тарыфам 0,0165 рубля за 1 м2. Агульная маёмасць — усё, што знаходзіцца на прыдамовай тэрыторыі, а да работ адносяцца ямачны рамонт, азеляненне, уладкаванне кантэйнерных пляцовак і іншае.

З пачатку лета падраслі тарыфы на льготнае цеплазабеспячэнне (ацяпленне і падагрэў вады). З 1 чэрвеня 1 Гкал каштуе 21,9245 рубля. Кошт халоднай вады пакуль застаўся ранейшы.

Тэхабслугоўванне (комплекс прафілактычных работ па забеспячэнні бесперабойнага функцыянавання інжынерных сістэм дома і кантролі яго тэхнічнага стану, якія праходзяць, як правіла, незаўважна для жыхароў) з пачатку лета разлічваецца па звычайным і па льготным тарыфах. Першы павялічыўся яшчэ ў пачатку года і пакуль не змяніўся. Цяпер ён складае 0,1419 рубля за 1 м2. Другі (ільготны) — 0,1238 рубля за 1 м2 — будуць прымяняць, калі ў кватэры ёсць зарэгістраваныя жыхары.

Некаторыя тарыфы з 1 чэрвеня паменшыліся. Тэхабслугоўванне ліфта на аднаго жыхара стала 1,43 рубля (было 1,5 рубля). Прыборка пад'ездаў паменшала да 0,85 рубля ў сталіцы (была 0,88 р.) і 0,71 рубля — у абласцях (была 0,74 р.). Паменшаў і кошт вывазу смецця, незалежна ад наяўнасці ў доме смеццеправода. Сталічны «куб» адходаў каштуе 7,4469 рубля (быў тарыф 7,5920 р.), у іншых раёнах — 8,9418 рубля (быў тарыф 9,2583 р.).

Мінжылкамгас таксама вызначыў нормы накладных выдаткаў і нарматывы для арганізацый, якія займаюцца эксплуатацыяй жыллёвага фонду і аказваюць жыллёва-камунальныя паслугі (ЖКП), на 2022 год. Нарматывы тэхналагічных страт цеплаэнергіі павінны складаць не больш за 9,6 %, а нормы страт і няўлічаных расходаў — не больш за 12 %. Новыя лічбы не датычацца арганізацый, якія ўваходзяць у сістэму Мінэнерга, паведамляецца на партале https://pravo.by/.

Згодна з Пастановай МЖКГ № 12, накладныя выдаткі на адзін кубічны метр рэалізаванай на ўласнае халоднае водазабеспячэнне вады складуць не больш за 0,1799 рубля. Кубічны метр адведзеных у каналізацыю сцёкаў будзе абыходзіцца ў 0,1375 рубля.

За рэалізацыю адной гігакалорыі ўласнай вытворчасці для цеплазабеспячэння і гарачага водазабеспячэння прадугледжана норма расходу не больш як 10,5831 рубля. За тэхабслугоўванне жылля — не больш за 0,0227 рубля за 1 м2 агульнай плошчы.

Абыходжанне з цвёрдымі камунальнымі адходамі ўстаноўлена на ўзроўні не больш як 1,2457 рубля на 1 м3 смецця і не больш як 8,9051 рубля — за тону. Тэхабслугоўванне ліфта на аднаго жыхара стане не большае за 0,3827 рубля і не большае за 0,158 — на 1 м2 агульнай плошчы дома. Змена лічбаў адлюструюцца і ў радках «камуналкі» для жыхароў.

Ірына СІДАРОК

Фота аўтара

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.