Вы тут

Новы курс развіцця ўніверсітэта абмеркавалі на Савеце БДУ


...Новы курс развіцця ўніверсітэта абмеркавалі на Савеце БДУ з удзелам кіраўнікоў факультэтаў, інстытутаў, дырэктараў прадпрыемстваў, начальнікаў упраўленняў, прадстаўнікоў грамадскіх арганізацый і студэнцтва. Плануецца, што выніковы варыянт прадставяць і зацвердзяць на святочным Савеце БДУ з нагоды яго 100-годдзя.


Як адзначыў у сваім выступленні рэктар Андрэй КАРОЛЬ, у аснову прапанаванага праекта былі пакладзены вынікі выканання мэт БДУ за 2018—2021 гады і новыя выклікі часу з улікам трансфармацыі соцыуму і тэхналогій.

Для эфектыўнага развіцця Белдзяржуніверсітэта ключавымі стратэгічнымі напрамкамі на найбліжэйшыя гады заяўлены: павышэнне якасці адукацыі з арыентацыяй на персаніфікацыю, індывідуалізацыю, лічбавізацыю; развіццё прафесійнай кампетэнтнасці выкладчыкаў і супрацоўнікаў; павелічэнне долі высакакласных спецыялістаў і перадавых тэхналогій; развіццё выхаваўчай работы ў кантэксце трансфармацыі сацыякультурнага асяроддзя з выкарыстаннем новых формаў і метадаў работы для фарміравання каштоўнасцяў і самарэалізацыі моладзі; інтэрнацыяналізацыя і развіццё экспартнага патэнцыялу БДУ для яго інтэграцыі ў сусветную навуковую прастору; пабудова ўстойлівай эканамічнай мадэлі ўніверсітэта і дыверсіфікацыя крыніц даходаў.

Шмат у чым пазначаныя стратэгічныя напрамкі з'яўляюцца карэкціроўкай мэт развіцця БДУ апошніх гадоў, са стратэгічна важнымі вынікамі якіх таксама азнаёміліся ўдзельнікі Савета. Так, у галіне адукацыі эфектыўна рэалізоўваецца вектар на крэатыўнасць, якасць і канкурэнтназдольнасць. Адзначана эфектыўнасць выкарыстання інфармацыйна-камунікацыйных тэхналогій для захавання якасці адукацыі.

Пра дасягненні ў навуковай сферы сведчыць рост колькасці публікацый у замежных часопісах і колькасці супрацоўнікаў з навуковымі ступенямі. Працягваецца работа па ўключэнні ў навукаметрычную рэфератыўную базу даных Scopus выданняў БДУ. Значным вынікам з'яўляецца ўваходжанне БДУ ў 1 % найлепшых ВНУ свету.

У сферы інфармацыйнай палітыкі важным стаў запуск абноўленай версіі афіцыйнага сайта БДУ на чатырох мовах і функцыянаванне адзінага інфармацыйна-камунікацыйнага комплексу, які ўключае 120 сайтаў структурных падраздзяленняў, студэнцкія анлайн-СМІ факультэтаў і групы ў сацыяльных сетках.

Беларускаму дзяржаўнаму ўніверсітэту ўдалося нарасціць экспарт адукацыйных паслуг, атрыманы прыбытак дазволіў павялічыць сярэднюю заработную плату і ўмацаваць матэрыяльна-тэхнічную базу. Дарэчы, заработная плата кіраўнікоў і прафесарска-выкладчыцкага саставу «прывязаная» да прадукцыйнасці іх працы і выканання ключавых параметраў развіцця БДУ.

Вынесены на абмеркаванне праект па стратэгічных напрамках развіцця БДУ ў хуткім часе будзе прапрацаваны членамі Савета для наступнай распрацоўкі дарожных карт па рэалізацыі пастаўленых мэт.

Надзея НІКАЛАЕВА

Загаловак у газеце: Персаніфікацыя, індывідуалізацыя, лічбавізацыя...

Выбар рэдакцыі

У свеце

На краі бездані. Чаму Латвію захліснула пандэмія?

На краі бездані. Чаму Латвію захліснула пандэмія?

У Латвіі ўведзены жорсткі лакдаўн, каб прыпыніць распаўсюджванне COVІD-19.

Эканоміка

З «шэрымі» выплатамі цяпер лепш не рызыкаваць

З «шэрымі» выплатамі цяпер лепш не рызыкаваць

КДК выявілі 30 злачынстваў па выплаце зарплаты ў канвертах.

Эканоміка

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

 У краіне завяршаецца уборачная кампанія, скончана сяўба азімых культур.