Вы тут

Галоўчанка разлічвае на аднаўленне пасажырскіх чыгуначных зносін паміж Беларуссю і Расіяй на дакавідным узроўні


Пасажырскія чыгуначныя зносіны паміж Беларуссю і Расіяй трэба аднавіць на дакавідным узроўні. Аб гэтым заявіў прэм’ер-міністр Беларусі Раман Галоўчанка ў час сустрэчы з генеральным дырэктарам — старшынёй праўлення ААТ «РЧ» Алегам Белазёравым, перадае БелТА.


«Мінулы год быў даволі праблемным для пасажырскіх перавозак. З красавіка 2020 года да лютага 2021-га транспартныя зносіны паміж Беларуссю і Расіяй былі лімітаванымі. З лютага пачалося паэтапнае аднаўленне. Быў рэалізаваны важны праект па запуску дзённых пасажырскіх зносін паміж Мінскам і Масквой. Гэта знакавы этап. Такі праект трэба развіваць, паколькі ён карыстаецца попытам. Спадзяюся, дастаткова хутка будуць канчаткова зняты абмежаванні на транспартныя зносіны і мы зможам выйсці на аднаўленне паўнацэннага курсіравання ўсіх пасажырскіх паяздоў на дакавідным узроўні. Нагадаю, што іх было 28. З іх 17 — фарміравання Беларускай чыгункі, астатнія расійскія», — сказаў Раман Галоўчанка.

Прэм’ер-міністр закрануў таксама тэму перавозак грузаў па чыгунцы. «Чакаем далейшы рост грузаперавозак паміж Беларуссю і Расіяй з улікам таго, што з-за вядомых абставін мы пераарыентуем свае таварныя патокі па расійскіх лагістычных калідорах. У сувязі з гэтым вельмі значная роля чыгуначнага транспарту. Рэалізацыя праекта па перавалцы беларускіх нафтапрадуктаў праз парты РФ — добры прыклад таго, як у сціслыя тэрміны ўдалося пры палітычнай падтрымцы падрыхтаваць лагістычную схему і захаваць эканамічную мэтазгоднасць для абодвух бакоў. Задачу па пераарыентацыі такіх аб’ёмаў грузапатокаў удалося вырашыць хутка дзякуючы належнай матывацыі і зацікаўленасці. Хачу выказаць удзячнасць за канструктыўнае супрацоўніцтва. Упэўнены, што гэты вопыт дапаможа нам у маштабаванні такіх праектаў. Мы зацікаўлены задзейнічаць усю транспартна-лагістычную інфраструктуру Расіі, асабліва з улікам таго, што мы вельмі блізка падышлі да чарговага этапу нашай эканамічнай інтэграцыі ў рамках Саюзнай дзяржавы», — падкрэсліў ён.

Прэм’ер-міністр Беларусі і кіраўнік РЧ абмеркавалі таксама развіццё транзітнага патэнцыялу, грузаперавозкі па лініі Кітай — Еўропа — Кітай.

Алег Белазёраў у размове з журналістамі адзначыў, што дзённыя скорасныя паязды, якія курсіруюць паміж Мінскам і Масквой, вельмі запатрабаваныя. "Цяпер мы рэалізуем нашы планы па павелічэнні колькасці пасажыраў, павелічэнні састаўнасці з 5 вагонаў да 10. Плануем і ў далейшым аб’ядноўваць нашы намаганні, каб стварыць максімальна камфортныя ўмовы для нашых пасажыраў, магчыма, разгледзім варыянт стварэння сумеснай кампаніі",- дадаў ён. Кіраўнік РЧ таксама расказаў, што абмяркоўваюцца пытанні павелічэння аб’ёмаў транзіту грузаў праз тэрыторыю дзвюх дзяржаў.

Фота БелТА

Выбар рэдакцыі

Палітыка

Перакрылі кісларод. Чаму ва Украіне склалася патавая сітуацыя падчас пандэміі?

Перакрылі кісларод. Чаму ва Украіне склалася патавая сітуацыя падчас пандэміі?

Украіна выйшла на трэцяе месца ў свеце і першае ў Еўропе па смяротнасці ад COVІD-19.

Грамадства

Размовы на кухні. Альбо ткаць, альбо прасці, альбо песенкі спяваць

Размовы на кухні. Альбо ткаць, альбо прасці, альбо песенкі спяваць

Сёння гутарка прысвечана выбару прафесіі для хлопцаў і дзяўчат.

Грамадства

Як выбраць самыя дакладныя тэрмометр і танометр

Як выбраць самыя дакладныя тэрмометр і танометр

У апошнія гады з прычыны пандэміі многія медыцынскія тэрміны сталі агульнаўжывальнымі словамі.

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.