Вы тут

Транспарт, жыллё і школьнае пытанне — Рыжанкоў правёў прыём грамадзян


Першы намеснік кіраўніка Адміністрацыі Прэзідэнта Максім Рыжанкоў правёў прыём грамадзян у Пастаўскім райвыканкаме, перадае БелТА


Першай на прыём звярнулася жыхарка вёсцы Вярэнькі: скарацілі колькасць рэйсаў пасажырскага аўтобуса Паставы — Гуменнікі. Дзецям па часе нязручна дабірацца са школы дадому. Асаблівасць у тым, што школьнікі з Пастаўскага раёна ездзяць ва ўстанову адукацыі ў Мядзельскі раён, але гэта іншы рэгіён. Максім Рыжанкоў адзначыў, што разбярэцца з пытаннем у Мінску, пагутарыць з мясцовай уладай і транспартнай арганізацыяй.

Пенсіянеры з Маладзечна звярнуліся з праблемай немагчымасці пражывання ў прыватным доме з-за будаўніцтва побач шматпавярховіка. Райвыканкам і гаспадары дома не могуць знайсці кампраміснае рашэнне: пабудаваць новы дом, выдаць уладальніку дзве кватэры, роўныя па метражы прыватнаму дому, або кампенсаваць суму, роўную кошту жылля. Мясцовай уладзе даручана за месяц абмеркаваць пытанне з уладальнікам і знайсці рашэнне. Калі праблема застанецца, то Максім Рыжанкоў мае намер сам прыехаць да заяўнікаў і паглядзець усё на месцы.

З калектыўным зваротам прыйшлі бацькі школьнікаў. Іх дзеці раней вучыліся ў базавай школе № 5 Паставаў, яе нядаўна закрылі, хоць навучальную ўстанову нядаўна адрамантавалі. Па іх словах, ім не патлумачылі прычыны закрыцця ўстановы адукацыі і своечасова пра гэта не апавясцілі — бацькі даведаліся пасля рашэння райвыканкама. Яны незадаволеныя такім стаўленнем, а цяпер яшчэ дзецям нязручна дабірацца да школы, першакласнікам трэба ехаць з некалькімі перасадкамі. «Столькі зваротаў, звязаных з закрыццём школ, як з Віцебскай вобласці, не паступае да нас ні з аднаго іншага рэгіёна краіны», — адзначыў Максім Рыжанкоў. Пасля прыёму грамадзян ён вырашыў з’ездзіць у былую школу, каб лепш вывучыць сітуацыю.

Падчас прыёму людзі таксама звярнуліся па пенсіённай тэме, жыллёвым пытанні і пытаннях медыцынскага абслугоўвання. Размаўляючы з журналістамі, першы намеснік кіраўніка Адміністрацыі Прэзідэнта адзначыў, што ён хацеў прыехаць у Пастаўскі раён, каб паглядзець, як тут рэалізоўваць прынятыя рашэнні па развіцці інфраструктуры, вытворчасці ў райцэнтрах. «Прыемна ўразілі новыя вытворчасці — аграаб’яднанне на базе малочнага завода. Прыгожае і сучаснае прадпрыемства, прадукцыя якога карыстаецца попытам не толькі ў нашай краіне, але і за мяжой. Таксама добрае прадпрыемства дрэваапрацоўкі, прадукцыя яго ідзе на Захад. Пры наяўнасці такога роду вытворчасцяў, дасведчаных кіраўнікоў можна казаць пра далейшае развіццё рэгіёна», — сказаў Максім Рыжанкоў.

Ён падкрэсліў, што калі моладзь будзе заставацца ў родных мясцінах, то гаворка аб развіцці школьнай інфраструктуры таксама будзе ісці. У выпадку зваротных працэсаў прыйдзецца прымаць непапулярныя рашэнні па аптымізацыі ўстаноў адукацыі. «На жаль, не ўсе нашы чыноўнікі на месцах навучыліся прадукцыйна размаўляць з людзьмі, прымаючы тыя ці іншыя рашэнні. Так, напэўна, неабходная аптымізацыя школ з улікам дэмаграфічнай сітуацыі ў невялікіх населеных пунктах, райцэнтрах. Але з людзьмі трэба размаўляць, паказваць перавагі пераезду дзяцей з малакамплектнай школы, дзе, можа, і няма настаўнікаў па многіх прадметах. Калі ідзе аптымізацыя з горшага ў лепшае, ствараюцца камфортныя ўмовы, змяняецца графік руху транспарту і людзям пра гэта кажуць, то нідзе не ўзнікае пытанняў. А калі мясцовая ўлада прыняла рашэнне, школу закрыла, і думайце, што хочаце, пры гэтым не заўсёды пайшлі насустрач па вырашэнні спадарожных пытанняў для навучання ў новым месцы, то ўзнікаюць праблемы. Тады няма ніякай нагоды наракаць на бацькоў за празмерныя звароты ў розныя інстанцыі, таму што іх многія пытанні не пачулі» , — дадаў Максім Рыжанкоў.

Першы намеснік кіраўніка Адміністрацыі Прэзідэнта пагутарыў з работнікамі малочнага завода. Людзі зноў узнялі тэму закрыцця пастаўскай школы. Іх таксама цікавілі пытанні цэнаўтварэння, павышэння пенсіённага ўзросту.

Фота Ганны Анышкевіч, «Пастаўскі край»

Выбар рэдакцыі

У свеце

На краі бездані. Чаму Латвію захліснула пандэмія?

На краі бездані. Чаму Латвію захліснула пандэмія?

У Латвіі ўведзены жорсткі лакдаўн, каб прыпыніць распаўсюджванне COVІD-19.

Эканоміка

З «шэрымі» выплатамі цяпер лепш не рызыкаваць

З «шэрымі» выплатамі цяпер лепш не рызыкаваць

КДК выявілі 30 злачынстваў па выплаце зарплаты ў канвертах.

Эканоміка

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

 У краіне завяршаецца уборачная кампанія, скончана сяўба азімых культур.