Вы тут

У цэнтры Мінска адкрылі музей грошай


У Мінску адкрыўся музей, у якім можна паглядзець на манеты, якім па 4-5 тысяч гадоў.


Фота pixabay.com

Гэты музей, фінансавай тэматыкі, працуе ў галаўным офісе аднаго з камерцыйных банкаў краіны. У ім прадстаўлены банкноты і манеты, пачынаючы з другога стагоддзя нашай эры. Уваход у музей абсалютна бясплатны.

Гэтая займальная калекцыя знаходзіцца на вуліцы Камуністычнай, 49 — насупраць гасцініцы «Беларусь». У ёй прадстаўлены як старадаўнія банкноты і манеты, так і сучасныя грошы. Напрыклад, тут можна ўбачыць рымскія дынарыі 2-3 стагоддзя нашай эры, грошы і паўгрошы перыяду Вялікага Княства Літоўскага і Рэчы Паспалітай, а таксама талеры патагоны (іспанскія Нідэрланды) пачатку 17-га стагоддзя. Яшчэ ў экспазіцыі ёсць манеты Савецкага Саюза і падборка памятных манет Нацбанка.

З цікавага для нумізматаў — рэдкая серыя сучасных беларускіх банкнот, дзе на кожным з наміналаў стаіць аднолькавы нумар. Такіх набораў было выпушчана ўсяго тысяча штук. Акрамя таго, экспазіцыя ўключае папяровыя грошы Расійскай імперыі перыяду Мікалая II, Савецкага Саюза, а таксама ўсе банкноты Беларусі, пачынаючы з «зайчыкаў».

Экспанаты прадастаўлены прыватным Беларускім музеем Groshi. Мяркуецца, што экспазіцыя будзе перыядычна абнаўляцца. Выставу манет у банку Дабрабыт можна наведаць у буднія дні з 9.00 да 19.00. Нагадаем, музей грошай Groshi створаны на аснове прыватнай калекцыі Андрэя Місько. У цэнтры ўвагі — гісторыя ўсяго грашовага звароту, якая мае адносіны да тэрыторыі Беларусі. У экспазіцыі прадстаўлены толькі арыгінальныя прадметы.

Сяргей КУРКАЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».