Вы тут

Стартавалі беларуска-расійскія вучэнні «Захад — 2021»


Найбольш яркія эпізоды сумеснага стратэгічнага вучэння Узброеных Сіл Беларусі і Расіі можна было назіраць у пятніцу на палігоне «Брэсцкі».


Па легендзе аднаго з этапаў, механізаваны батальён атакаваў перадавыя сілы праціўніка. Папярэдне правёўшы разведку, на арэне баявых дзеянняў з’явілася штурмавая авіяцыя — снарады трапілі ў цэль. Для таго каб праціўнік развярнуў свае сілы, механізаваны батальён ажыццявіў стрэльбы. Адначасова ў атаку з умоўным праціўнікам уступілі артылерысты, мотастралкі, танкісты, лётчыкі. Увесь час у небе кружылі беспілотныя лятальныя апараты — за тым, што адбывалася на полі бою, вайскоўцамі ажыццяўляўся кантроль.

— Для нас гонар — адпрацоўваць задачы плячом да пляча з нашымі братамі-расіянамі, адстойваць рубяжы нашай Радзімы, — адзначыў пасля ажыццяўлення задач камандзір 6-й асобнай гвардзейскай механізаванай брыгады гвардыі палкоўнік Аляксандр ЛАЎРЭНАЎ. — Ваеннаслужачыя брыгады ўпэўнена прадэманстравалі свае навыкі, баявое майстэрства падчас вядзення абарончага бою. Усе задачы паспяхова былі выкананы. Умоўны вораг быў разбіты і пераможаны.

Як удакладніў камандзір брыгады, вайскоўцы ў тым ліку адпрацоўвалі новыя метады барацьбы з беспілотнымі лятальнымі апаратамі, вядзенне манеўранай абароны.

Для камандзіра 1-й гаўбічнай самаходнай артылерыйскай батарэі старшага лейтэнанта Дзмітрыя КАРНІЛОВІЧА гэта не першае вучэнне. Такое маштабнае — дэбютнае. «Для мяне сённяшні дзень як свята: я даўно марыў паўдзельнічаць у манеўрах, максімальна набліжаных да рэальных, — падзяліўся ваеннаслужачы. — З пастаўленымі задачамі маё падраздзяленне справілася на ацэнку „добра“. Да манеўраў мы грунтоўна рыхтаваліся, таму нечаканасцяў не было».

Вераніка КАНЮТА

Фота Аліны МАЗАВЕЦ

Брэсцкая вобласць

Выбар рэдакцыі

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.

Грамадства

Як у маладой рэспубліцы ўвасаблялі амбіцыйны праект універсітэцкага гарадка...

Як у маладой рэспубліцы ўвасаблялі амбіцыйны праект універсітэцкага гарадка...

Асобнае месца займае будынак гімназіі Зубакіна і Фальковіча.

Эканоміка

Баляслаў Пірштук: Будучыня — за «зялёнай» эканомікай

Баляслаў Пірштук: Будучыня — за «зялёнай» эканомікай

З кожным днём на нашых дарогах усё больш электратранспарту.

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.