Вы тут

Беларускі саюз жанчын правеў першае пасяджэнне Савета старэйшын


Беларускі саюз жанчын правеў першае пасяджэнне Савета старэйшын у музеі-галерэі «Янушкевiчы», што ў аграгарадку Ракаў Валожынскага раёна. 


Новая структура заклікана прыцягнуць да актыўнага ўдзелу ў дзейнасці абласных, раённых, аб’яднаных, першасных арганізацый БСЖ — ветэранаў жаночага руху. Вопытныя і моцныя духам жанчыны могуць перадаваць маладому пакаленню лепшыя традыцыі ў грамадскай і дабрачыннай дзейнасці. Таксама каштоўна іх думка ў абмеркаванні найбольш актуальных праблем у грамадскім жыцці краіны. 

«Месца выбрана невыпадкова: фактычна ў Ракаве праходзіла мяжа паміж заходняй і ўсходняй Беларуссю, — сказала першы намеснік міністра аховы здароўя, старшыня Беларускага саюза жанчын Алена Богдан. — Гэта месца сімвалічна, бо тут пераклікаецца гісторыя, традыцыі, якія перадаюцца з пакалення ў пакаленне, што сімвалічна ў год Народнага адзінства. Мне хацелася каб група актыўных жанчын, якія былі ў саюзе з самага заснавання, якія шмат гадоў узначальвалі беларускі саюз жанчын, абласныя, раённыя, гарадскія арганізацыі мелі магчымасць перадаць свой вопыт нашаму маладзёжнаму крылу».

Старшынёй Савета старэйшын абралі Надзею Ермакову, якая больш за пятнаццаць гадоў узначальвала БСЖ. Падчас пасяджэння абмеркавалі склад і зацвердзілі палажэнне Савета старэйшын. Не абышлося без прыемных сюрпрызаў: кожны член савета Старэйшын атрымаў з рук старшыні БСЖ прыгожыя наручныя гадзіннікі.

Таксама Алена Богдан падзялілася добрай навіной: у ліпені арганізацыяй было сабрана 53 тысячы подпісаў беларускіх жанчын пад зваротам супраць санкцый, якія ўводзяцца супраць рэспублікі. Зварот апублікаваны ў якасці афіцыйнага дакумента ААН на сайце арганізацыі. 

«Хочацца каб гэта паўплывала на рашэнне тых людзей і структур, якія ўводзілі санкцыі, — сказала Алена Богдан. — Мы хочам, каб наш голас пачулі». 

Наталля ТАЛІВІНСКАЯ

Фота аўтара

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.