Вы тут

Валянціна Бегеба: 17 верасня сімвалізуе глыбокія гістарычныя традыцыі народа


Валянціна БЕГЕБА, намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па пытаннях экалогіі, прыродакарыстання і чарнобыльскай катастрофы:


— Свята, якое мы будзем адзначаць на гэтым тыдні, сімвалізуе глыбокія гістарычныя традыцыі нашага народа. Адна з іх — традыцыя яднання для дасягнення агульных мэт. Спрадвеку ў нашым краі ўсё важнае рабілі талакой, гэта значыць, разам, агульнымі намаганнямі. Вось і цяпер мы павінны аб'яднацца, каб забяспечыць мір і спакой у краіне як залог магчымасці для стваральнай працы.

Менавіта адказнасць за лёс Айчыны пабуджае кожнага з нас пераадольваць выклікі сучаснасці, захоўваць культурную самабытнасць, рухацца далей з апорай на традыцыі і напрацоўкі папярэднікаў. Думаю, што кожны з нас зараз адчувае адказнасць за сучаснае і будучае Беларусі. І гэтая адказнасць найперш увасабляецца ў паўсядзённай працы, а таксама актыўнай грамадскай пазіцыі.

Праца як і раней, так і цяпер — галоўнае, з працы пачынаецца дабрабыт кожнага грамадзяніна і краіны ў цэлым. Калі кожны будзе творча, самааддана працаваць на сваім рабочым месцы, мы многага зможам дасягнуць. Важна знаходзіць рэзервы ў сабе, не спыняцца на дасягнутым, увесь час займацца самаадукацыяй і павышэннем свайго ўзроўню. Кожны раз гэта падкрэсліваю, калі даводзіцца быць у маладой аўдыторыі.

Найперш у моладзі нам трэба выхаваць павагу да чалавека працы і працы як адзінай крыніцы дабрабыту і творчай самарэалізацыі. Павага да працы ў шырокім сэнсе, павага да мацярынства, шанаванне старэйшых, сваёй гісторыі, малой радзімы — гэта і ёсць падмуркі, на якіх можна будаваць народнае адзінства.

Прапаную ўспомніць не такую далёкую гісторыю, пасляваенны час, час юнацтва нашых бацькоў. Калі краіна фактычна ляжала ў руінах, яны здолелі яе ўзняць, адрадзіць, пабудаваць эканоміку менавіта таму, што праявілі адзінства. Такіх прыкладаў у нашай гісторыі многа.

Народнае адзінства — гэта неад'емны аспект сучаснага грамадства, а яшчэ залог стабільнага і паспяховага развіцця на доўгія гады наперад, найважнейшы паказчык сталасці грамадства.

Запісала Святлана ЯСКЕВІЧ

Выбар рэдакцыі

Палітыка

Перакрылі кісларод. Чаму ва Украіне склалася патавая сітуацыя падчас пандэміі?

Перакрылі кісларод. Чаму ва Украіне склалася патавая сітуацыя падчас пандэміі?

Украіна выйшла на трэцяе месца ў свеце і першае ў Еўропе па смяротнасці ад COVІD-19.

Грамадства

Размовы на кухні. Альбо ткаць, альбо прасці, альбо песенкі спяваць

Размовы на кухні. Альбо ткаць, альбо прасці, альбо песенкі спяваць

Сёння гутарка прысвечана выбару прафесіі для хлопцаў і дзяўчат.

Грамадства

Як выбраць самыя дакладныя тэрмометр і танометр

Як выбраць самыя дакладныя тэрмометр і танометр

У апошнія гады з прычыны пандэміі многія медыцынскія тэрміны сталі агульнаўжывальнымі словамі.

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.