Вы тут

Ад пластыку да кліматычных змен


На VІІ пасяджэнні Міждзяржаўнага экалагічнага савета СНД прадстаўнікі краін-удзельніц абмеркавалі актуальныя праблемы рэгіёна і абмяняліся вопытам у іх вырашэнні.


Як адзначыў міністр прыродных рэсурсаў і аховы навакольнага асяроддзя Рэспублікі Беларусь Андрэй ХУДЫК, савет — выдатная пляцоўка для вырашэння самых актуальных «зялёных» пытанняў на міжнародным узроўні, перш за ўсё змены клімату, аховы навакольнага асяроддзя і экалагічнай бяспекі. Ад правядзення мэтанакіраванай, прадметнай работы ў гэтым кірунку залежаць дабрабыт і росквіт усяго чалавецтва. Мэта ж савета — зрабіць максімальны канкрэтны практычны ўнёсак у рашэнне дадзеных задач.

Пластыку бой!

Падчас пасяджэння беларускі бок падзяліўся вопытам работы па пераходзе ад пластыкавай упакоўкі да экалагічна бяспечнай.

— Наша краіна з'яўляецца лідарам у пытанні абыходжання з адходамі на постсавецкай прасторы, — адзначыў Андрэй Худык. — Сёлета мы плануем, што каля 30 % ЦКА будзе ўцягнута ў эканоміку краіны.

Намеснік міністра прыродных рэсурсаў і аховы навакольнага асяроддзя Аляксандр КОРБУТ расказаў, як у Беларусі арганізавана забарона выкарыстання аднаразовага пластыкавага посуду ў аб'ектах грамадскага харчавання, як ажыццяўляецца пераход аб'ектаў гандлю да больш шырокага ўжывання напояў у шкляной тары, пакетаў, аднаразовага посуду і сталовых прыбораў з паперы, мінімізуецца продаж пластыкавых аднаразовых рэчаў.

— Важна прадухіляць утварэнне адходаў, пераглядаць свае падыходы да пакупак, — упэўнены Аляксандр Корбут. — Выбіраючы замест аднаразовай упакоўкі шматразовую, спажыўцы ўздзейнічаюць на вытворцаў.

Беларускім вопытам зацікавіліся і іншыя краіны — удзельніцы СНД. Многія з іх таксама робяць пэўныя крокі па змяншэнні выкарыстання пластыкавай упакоўкі. Так, ва Узбекістане бясплатная выдача пакетаў пад забаронай з 2019 года. У Арменіі з 1 студзеня 2022 года будзе забаронена прадаваць аднаразовыя пластыкавыя пакеты таўшчынёй да 50 мікрон. Плануецца адмовіцца ад пластыкавай тары ці зменшыць колькасць пластыку ва ўпакоўцы ў Таджыкістане і Кыргызстане.

Як гандляваць выкідамі?

Закранулі ўдзельнікі мерапрыемства і пытанне вугляроднага рэгулявання з улікам «зялёнага пагаднення», прынятага ў ЕС, і ўвядзення на яго тэрыторыі з 2026 года вугляроднага падатку. Паколькі Беларусь, як і іншыя краіны Садружнасці, экспартуе сваю прадукцыю ў Заходнюю Еўропу, неабходна зніжаць яе вугляродаёмістасць для павышэння канкурэнтаздольнасці.

Намеснік дырэктара дэпартамента кліматычнай палітыкі і «зялёных» тэхналогій Міністэрства экалогіі, геалогіі і прыродных рэсурсаў Рэспублікі Казахстан Айнур КАПБАЕВА расказала пра вопыт сваёй краіны ў галіне гандлю выкідамі парніковых газаў. Сістэма дзяржаўнага рэгулявання ў сферы выкідаў і паглынанняў парніковых газаў там дзейнічае з 2011 года. У рамках новага Экалагічнага кодэкса яна была ўдасканалена для выканання абавязацельстваў Парыжскага пагаднення. Пачынаючы з 2021 года вугляродны бюджэт будзе штогод скарачацца на 1,5 % ад узроўню вугляроднага бюджэту 1990 года. Сістэма ахоплівае каля 40 % усіх агульнанацыянальных выкідаў і рэгулюе энергетычны, горназдабывальны, металургічны, хімічны, апрацоўчы сектары і іншыя. Кампаніі з больш тэхналагічнымі вытворчасцямі могуць прадаць лішкі квот на выкіды тым, хто не мадэрнізуе свае прадпрыемствы.

Устойлівае развіццё

Падзяліліся краіны — удзельніцы СНД і сваімі поспехамі ва ўкараненні Мэт устойлівага развіцця ў галіне аховы навакольнага асяроддзя. Так, напрыклад, у Кыргызстане прынятая нацыянальная стратэгія захавання снежнага барса на 2013—2023 гады. Плануецца таксама павялічыць плошчу асабліва ахоўных прыродных тэрыторый з 7,4 да 10 %.

У Расіі займаюцца ачысткай ад смецця прыбярэжных тэрыторый рэк і азёр, рэалізоўваецца праект па захаванні возера Байкал. Займаюцца там і смеццем — за апошні час доля адходаў, якія перапрацоўваюцца, склала ў краіне больш за 8,5 %.

Аляксандр Корбут расказаў, як у Беларусі працуюць над захаваннем тарфянікаў. Наталля Інчына, начальнік упраўлення рэгулявання ўздзеяння на атмасфернае паветра, змену клімату і экспертызы Мінпрыроды, адзначыла, што ў найбліжэйшы час беларускі ўрад прыме новы нацыянальны ўнёсак краіны, у адпаведнасці з якім плануецца скараціць выкіды парніковых газаў на 35 % да 2030 года адносна ўзроўню 1990-га.


Згодна з планам работы МЭС СНД на 2022—2023 гады, у гэты час плануецца вывучыць магчымасць збліжэння падыходаў і гарманізацыі нацыянальнага заканадаўства ў вобласці аховы навакольнага асяроддзя.

Вераніка КОЛАСАВА

Прэв’ю: прэс-службы Мінпрыроды

Выбар рэдакцыі

Грамадства

Гатовы да разгортвання «чырвоных зон»

Гатовы да разгортвання «чырвоных зон»

Мінскі навукова-практычны цэнтр хірургіі, транспланталогіі і гематалогіі аказваў дапамогу пацыентам з COVІD-19.

Грамадства

Сталічная геаграфія: як выглядае Мінск на старадаўніх картах і планах

Сталічная геаграфія: як выглядае Мінск на старадаўніх картах і планах

Прадпрыемства «Белкартаграфія» выпусціла ўнікальнае крыніцазнаўчае выданне «Мінск на старадаўніх картах і планах».