Сёння Беларуская чыгунка пачала перавозку цукровых буракоў на ААТ «Слуцкі цукрарафінадны камбінат», паведамілі ў прэс-цэнтры магістралі.
У гэтым годзе Беларуская чыгунка будзе весці перавозку салодкіх караняплодаў на Гарадзейскі і Слуцкі цукровыя камбінаты, а таксама на Жабінкаўскі цукровы завод.
Усяго плануецца перавезці чыгуначным транспартам каля 1,5 мільёна тон цукровых буракоў ураджаю гэтага года. Максімальныя абёмы пагрузкі запланаваны на кастрычнік — лістапад — да 345 вагонаў у суткі.
Беларуская чыгунка традыцыйна робіць унёсак ва ўборку цукровых буракоў. Масавая перавозка караняплодаў чыгуначным транспартам на айчынныя цукровыя заводы вядзецца з верасня па снежань. Такі графік абумоўлены тэхналогіяй вырошчвання і захоўвання буракоў, а таксама магутнасцямі прадпрыемстваў па іх перапрацоўцы.
Перавозка вядзецца ў адпаведнасці з графікам, узгодненым з канцэрнам «Белдзяржхарчпрам», і заяўкамі грузаадправіцеляў. У мэтах выключэння прастою вагонаў пагрузка буракоў на спецыяльных пунктах вызначаецца тэмпам выгрузкі на цукровых камбінатах.
Сяргей РАСОЛЬКА
Прэв'ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.