Рэгіянальны конкурс «Дажыначны сноп» стартаваў у Магілёўскай вобласці, паведамілі ў Магілёўскім абласным метадычным цэнтры народнай творчасці і культурна-асветніцкай працы.
Удзельнікамі конкурсу могуць стаць індывідуальныя аўтары і творчыя калектывы дамоў ці цэнтраў рамёстваў і іншых клубных устаноў рэгіёну. Яны павінны вырабіць сноп з саломы памерамі 100×30 см. Важная ўмова: экспазіцыйны сноп павінен быць выраблены з збожжавых культур, сціснутых у гэтым годзе. Ён можа быць упрыгожаны рознымі натуральнымі аксесуарамі: кветкамі з саломы, драпіроўкай, збожжам, стужкамі, традыцыйнымі элементамі ручніка і іншымі матэрыяламі. Колькасць снапоў, што прадстаўляюцца аўтарамі ці творчымі калектывамі, не абмяжоўваецца.
Пры ацэнцы работ журы будзе ўлічваць адпаведнасць дажыначнага снапа заяўленай тэме, эстэтычнасць і якасць афармлення работы, арыгінальнасць мастацкага дызайну, трываласць і прыдатнасць да розных умоў надвор’я, складанасць працы, яе выкананне і крэатыўны падыход аўтараў.
Для таго каб паўдзельнічаць у рэгіянальным конкурсе, неабходна да 1 кастрычніка бягучага года падаць заяўку ўстаноўленага ўзору на электронны адрас mogomc@mogomc.by з паметкай у тэме «конкурс «Дажыначны сноп».
Вынікі конкурсу і пераможцаў вызначаць на абласным фестывалі-кірмашы працаўнікоў вёскі «Дажынкі-2021», які пройдзе ў лістападзе ў Магілёве.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
