У Баранавічах бухгалтара падазраюць у крадзяжы больш Br52 тыс.

У Баранавічах бухгалтара падазраюць у крадзяжы буйной сумы грошай. Такая інфармацыя апублікаваная ў Telegram-канале Следчага камітэта, паведамляе БелТА.

У Баранавічах 62-гадовы прадпрымальнік і па сумяшчальніцтве дырэктар аднаго з прадпрыемстваў горада пазбавіўся больш за Br52 тыс. Следства высветліла, што па яго просьбе 41-гадовая бухгалтар праводзіла аперацыі па руху грошай па банкаўскім рахунку ІП. Выкарыстоўваючы сістэмы электронных плацяжоў, жанчына выкрала буйную суму.

Баранавіцкі МОСК у дачыненні да бухгалтара распачаў крымінальную справу па ч. 4 арт. 212 (крадзеж шляхам мадыфікацыі камп’ютарнай інфармацыі, здзейснены ў асабліва буйным памеры) КК. З падазраванай праводзяцца следчыя дзеянні.

У Брэсцкай вобласці з пачатку гэтага тыдня распачалі 11 крымінальных спраў па фактах крадзяжоў шляхам мадыфікацыі камп’ютарнай інфармацыі. Агульная сума шкоды склала амаль Br70 тыс.

Прэв’ю: pixabay.com