У 4.44 ратавальнікам паступіла паведамленне аб пажары ў доме на вуліцы Савецкай.
Разлікі ратавальнікаў пажарнай аварыйна-выратавальнай часці № 1 першымі прыбылі па названым адрасе і прыступілі да разведкі ў запоўненым дымам жыллі. Як паведамляе МНС, у калідоры на падлозе камандзір аддзялення Дзмітрый Карпук і пажарны Аляксандр Анда выявілі на падлозе гаспадара. На пацярпелага надзелі маску для абароны органаў дыхання і вынеслі на свежае паветра. Тым часам камандзір аддзялення Віталь Цітоў і яго калега Андрэй Бірыло абследавалі кватэру, пераканаліся, што небяспека больш нікому не пагражае, і затушылі падпалены матрац. Брыгада хуткай медыцынскай дапамогі агледзела выратаванага і шпіталізавала яго ў бальніцу.
У выніку агнём пашкоджаны матрац, закураны сцены і столь у кватэры. Прычына здарэння высвятляецца. Версія, якая разглядаецца, — неасцярожнасць пры курэнні.
Сяргей РАСОЛЬКА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
