Вы тут

Да канца года ў Беларусі створаць саветы пажылых грамадзян


Згодна з нацыянальнай стратэгіяй «Актыўнае даўгалецце — 2030», асноўнай задачай якой з’яўляецца максімальная ўключанасць пажылых людзей у жыццё грамадства і належныя ўмовы для рэалізацыі іх патэнцыялу, у краіне ствараюцца саветы пажылых грамадзян. Аб гэтым паведамілі ў Міністэрстве працы і сацыяльнай абароны.


«Наша ведамства выступае каардынатарам нацыянальнай стратэгіі. Ужо гатова прыкладнае палажэнне аб рабоце саветаў і зацверджана пастановай Міністэрства працы і сацыяльнай абароны ад 30 чэрвеня 2021 года № 52. Савет пажылых грамадзян — пастаянна дзеючы кансультатыўна-дарадчы орган, які ствараецца рашэннем мясцовага выканаўчага і распарадчага органа. Гэта робіцца, каб насельніцтва залатога ўзросту больш актыўна ўдзельнічала ў вырашэнні пытанняў, якія закранаюць іх інтарэсы».

Прыкладным палажэннем прапісаны сацыяльна-значныя напрамкі работы саветаў. Гэта садзейнічанне мясцовым органам улады ў вырашэнні пытанняў па добраўпарадкаванні жылых дамоў і тэрыторый, паляпшэнні якасці і даступнасці аказання сацыяльных паслуг і медыцынскай дапамогі, стварэнні ўмоў для заняткаў фізкультурай і спортам, захаванні культурных каштоўнасцяў, нацыянальных звычаяў і традыцый. Спатрэбяцца не толькі парады, але і таксама дзейсны ўдзел пажылых у арганізацыі вольнага часу, культурных мерапрыемстваў, святаў вёскі, вуліцы, двара.

«Саветы могуць уносіць у мясцовыя выканаўчыя і распарадчыя органы прапановы па вырашэнні пытанняў жыццядзейнасці пажылых грамадзян з улікам канкрэтнай сітуацыі», — дадалі ў ведамстве.

У склад саветаў уваходзяць былыя дэпутаты, кіраўнікі дзяржаўных органаў, прадпрыемстваў, арганізацый, прадстаўнікі органаў тэрытарыяльнага грамадскага самакіравання, грамадскіх аб’яднанняў, пажылыя грамадзяне.

Работа па стварэнні саветаў пажылых грамадзян павінна быць завершана да канца бягучага года.

Наталля ТАЛІВІНСКАЯ

Прэв'ю: pexels.com

Выбар рэдакцыі

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.

У свеце

Блуканне па кілаватах. Чаму Літва загнала Прыбалтыку ў энергетычную яму?

Блуканне па кілаватах. Чаму Літва загнала Прыбалтыку ў энергетычную яму?

Для краін Балтыі ралі цэн на электрычнасць стала ўжо амаль звыклай справай. 

Культура

Дзе Якуб Колас сустрэўся з ваўком і чаму дзядзька Антось быў самотны

Дзе Якуб Колас сустрэўся з ваўком і чаму дзядзька Антось быў самотны

Трэцяга лістапада — дзень нараджэння класіка. 

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.