Вы тут

Сальда знешняга гандлю таварамі і паслугамі за сем месяцаў вырасла


Станоўчае сальда знешняга гандлю таварамі і паслугамі ў студзені—ліпені гэтага года дасягнула 2,01 млрд долараў і значна перавысіла гэты паказчык за аналагічны перыяд мінулага года.


Як паведамляе аб'яднаны сайт банкаў Беларусі (Select.by), асноўны ўклад у такі вынік унёс знешні гандаль таварамі. Іх экспарт, па даных Нацбанка, за сем месяцаў бягучага года вырас на 36,5 % і дасягнуў 20,449 млрд долараў. Імпарт павялічыўся ў меншай ступені: на 28,9 % — да 20,966 млрд долараў. Так, сальда замежнага гандлю таварамі за разгледжаны перыяд засталося адмоўным, але склала ўсяго мінус 517,9 млн долараў супраць мінус 1 290,7 млн долараў у студзені-ліпені мінулага года.

Стан знешняга гандлю паслугамі таксама палепшыўся. Іх экспарт за сем месяцаў вырас на 18,6 % — да 5,691 млрд долараў, у той час як імпарт павялічыўся на 20,8 % — да 3,163 млрд долараў. Сальда замежнага гандлю паслугамі вырасла да 2,528 млрд долараў, гэта значыць, на 15,8 %.

У выніку знешнегандлёвы абарот тавараў і паслуг за гэты час дасягнуў 50,270 млрд долараў, што перавысіла абарот за аналагічны перыяд мінулага года на 30 %. Экспарт павялічыўся на 32,2 % (да 26,140 млрд долараў), а імпарт — на 27,8 % (да 24,130 млрд долараў).

Характэрна, што станоўчая дынаміка паказчыкаў знешняга гандлю захоўваецца і ў цяперашні час, нягледзячы на санкцыі з боку некаторых заходніх краін. У прыватнасці, экспарт тавараў сёлета ў ліпені павялічыўся ў параўнанні з чэрвенем на 110,1 млн долараў — да чарговага рэкорднага ўзроўню ў 3,202 млрд долараў. Гэта на 740,7 млн долараў больш, чым у ліпені мінулага года.

Шчыра кажучы, за такія фінансавыя рэкорды нам трэба дзякаваць адной найбуйнейшай заакіянскай дзяржаве, бо яны дасягнутыя і дзякуючы росту цэн на сусветных таварных рынках, што выклікана шырокай грашовай эмісіяй гэтай краіны.

Сяргей КУРКАЧ

Прэв’ю: pixabay.com

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.