Вы тут

Праект «Адзінства народа — вялікі здабытак» прэзентавалі ў «Глобусе»


Праект з аднайменнай назвай прэзентавалі ў сталічнай краме «Глобус» у Дзень народнага адзінства. Арганізатарамі яго выступілі Міністэрства інфармацыі Рэспублікі Беларусь пры падтрымцы РУП «Белсаюздрук» і Нацыянальнага гістарычнага музея Рэспублікі Беларусь. У межах праекта была зроблена апрацоўка вялікай колькасці арыгіналаў беларускіх выданняў 1920—30-х гадоў («Сялянская ніва», «Жыццё беларуса», «Беларускі звон», «Маланка» і іншыя), якія адлюстроўваюць гістарычныя падзеі па аб'яднанні беларускіх зямель, цяжкія выпрабаванні беларускага народа ў той перыяд.


— Усе выданні, што тут прадстаўлены, — унікальныя, — адзначыў намеснік міністра інфармацыі Рэспублікі Беларусь Ігар Бузоўскі. — Гэтыя газеты і часопісы былі скрупулёзна вывучаны, для таго каб знайсці самыя яркія падзейныя рэчы, якія дазваляюць распавесці пра тыя гістарычныя часы, калі прымалася рашэнне па аб'яднанні беларускіх зямель як палітычнымі сіламі, так і народам, калі гэтае рашэнне давалася праз кроў і пот нашых продкаў.

Прэзентаваныя выданні выходзілі на тэрыторыі Заходняй Беларусі з 1921 да 1939 года. У экспазіцыі можна ўбачыць як копіі, так і арыгіналы газет і часопісаў. Дарэчы, азнаёміцца з экспанатамі праекта можна ў крамах і кіёсках «Белсаюздруку» па ўсёй краіне. Акрамя гэтага, ёсць магчымасць там убачыць і набыць і тавары пашыранай лінейкі з сімволікай Рэспублікі Беларусь, якая напярэдадні свята папоўнілася. А на светлавых панэлях павільёнаў цяпер размешчаны калажы прадстаўленых у праекце выданняў.

— Вядома, нас могуць папракнуць, маўляў, гэтыя ж выданні палітызаваныя. Але хачу адразу сказаць усім скептыкам наступнае. У беларускага насельніцтва Заходняй Беларусі былі свае партыі, газеты, і паміж сабой у іх не было згоды па многіх пытаннях, што датычылася палітыкі, эканомікі. Яны па-рознаму ставіліся і да Савецкага Саюза, і да Польшчы. У кожнага было сваё меркаванне, і яны прадстаўлены ў праекце. Але самае галоўнае, што па беларускім пытанні яны былі адзіныя. Іх непакоіла адукацыя на роднай мове, закрыццё школ беларускіх, тое, што падчас перапісу беларусаў запісваюць або рускімі, або палякамі, — распавядае аўтар праекта, гісторык, калекцыянер Уладзімір Ліхадзедаў.

Неад'емнай часткай праекта стала і кніга Уладзіміра Ліхадзедава «17 верасня. Дзень народнага адзінства», якая выйшла ў Выдавецкім доме «Звязда».

Алена ДРАПКО

Фота аўтара

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.