У Барысаўскім раёне ратавальнікі дэблакавалі кіроўцу, паведамляе БелТА са спасылкай на МНС.
18 верасня ў 23.52 у МНС паступіла інфармацыя аб дарожна-транспартным здарэнні на скрыжаванні вуліц Гагарына і Ватуціна ў Барысаве. Патрабавалася дапамагчы вызваліць чалавека. На месцы высветлілася, што легкавы аўтамабіль Mazda 626 урэзаўся ў бетонную дарожную агароджу.
Да прыбыцця ратавальнікаў кіроўца быў у свядомасці. Са слоў мужчыны, калі спрацавалі падушкі бяспекі, ён стукнуўся галавой. Выбрацца сам не мог: спрацаваў цэнтральны замак, і ўсе дзверы былі заблакаваныя.
Пры дапамозе гідраўлічнага інструмента работнікі МНС адсунулі дзверы побач з кіроўцам, вызвалілі пацярпелага і перадалі брыгадзе хуткай медыцынскай дапамогі.
Фота Мінскага абласнога УМНС
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.