ДАІ: наезд на пешаходаў застаецца самым распаўсюджаным відам ДТЗ

Наезд на пешаходаў застаецца самым распаўсюджаным відам ДТЗ. Аб гэтым паведамляе БелТА са спасылкай на УДАІ ГУУС Мінгарвыканкама.

Дзяржаўтаінспекцыя ўзмацніла кантроль за выкананнем ПДР уразлівымі ўдзельнікамі дарожнага руху. У Мінску праходзяць мерапрыемствы па прафілактыцы ДТЗ з удзелам пешаходаў і веласіпедыстаў. «Наезд на пешаходаў па-ранейшаму застаецца самым распаўсюджаным відам ДТЗ. Так, з пачатку года на сталічных дарогах адбылося 148 падобных здарэнняў (33,7% ад агульнай колькасці ДТЗ), у выніку якіх 12 чалавек загінулі (80% ад агульнай колькасці загінулых), 146 атрымалі раненні рознай ступені цяжкасці. Прычым у 50 выпадках у дарожных аварыях вінаватыя былі самі пешаходы», — распавялі ў ДАІ.

103 наезды на пешаходаў здзейснена па віне вадзіцеляў транспартных сродкаў на абазначаных пешаходных пераходах, у якіх 103 чалавекі атрымалі траўмы і шасцёра загінулі.

З пачатку года зафіксавана 35 дарожных аварый з удзелам веласіпедыстаў, дзе 36 чалавек атрымалі траўмы. Сем веласіпедыстаў трапілі пад колы аўтамабіля па сваёй віне.

«ДАІ Мінска заклікае ўсіх удзельнікаў дарожнага руху да праявы ўважлівасці і асцярожнасці на дарогах і нагадвае, што няўхільнае выкананні ПДР — заклад вашай бяспекі», — дадалі ў Дзяржаўтаінспекцыі.

Прэв’ю: pixabay.com