Вы тут

Палаты павышанай камфортнасці — для ветэранаў


 

Учора, у Міжнародны дзень міру, у дзвюх сталічных медустановах былі ўрачыста адкрыты палаты павышанай камфортнасці для ветэранаў войнаў і працы. У мінскім анкалагічным дыспансеры іх 12, у бальніцы хуткай дапамогі — 21. Дапамогу ў іх абсталяванні аказаў Беларускі фонд міру ў рамках акцыі «Наша ўвага ветэранам войнаў і працы». Усяго ў краіне з'явіцца каля дзвюх тысяч такіх палат.


Палаты аснашчаны як неабходным медыцынскім абсталяваннем — спецыяльнымі ложкамі, пульсаксіметрамі, танометрамі, тэрмометрамі і іншым, так і бытавымі прыборамі, у прыватнасці тэлевізарамі і халадзільнікамі.

— Урачыстае адкрыццё адбываецца ў Дзень міру, і гэта вельмі сімвалічна.Тое, што абрана такая форма ўзаемадзеяння з сістэмай аховы здароўя — дапамога менавіта камфартабельна абсталяванымі палатамі для нашых ветэранаў — нясе яшчэ больш глыбокі сэнс, бо мір на нашу зямлю прынеслі менавіта гэтыя людзі сталага веку, — адзначыў міністр аховы здароўя Дзмітрый Піневіч. — Кансалідацыя ўсіх намаганняў з'яўляецца сімвалам у тым ліку і гэтага года. Палаты прызначаны для камфартабельнага знаходжання, але маюцца і дыягнастычныя прыборы, неабходныя падчас пандэміі. У такі час для нас важны любы рэсурс і садзейнічанне. Таму мы вельмі ўдзячны калегам, бізнесу, фонду міру.

Акцыя Беларускага фонду міру праводзіцца ва ўсёй краіне — такія ж камфортныя ветэранскія палаты будуць абсталяваны ва ўсіх бальніцах Беларусі. У Мінску іх будзе каля 170, астатнія — ва ўсіх раёнах.

— Нам хочацца, каб нашы бабулі і дзядулі, трапляючы ў складаных сітуацыях у бальніцы, адчувалі сябе камфортна, як дома, — кажа старшыня праўлення Беларускага фонду міру Максім Місько. — Плануем абсталяваць каля дзвюх тысяч ветэранскіх палат павышанай камфортнасці. Мяркую, што за год-паўтара мы гэта зробім. Намаганні ў гэтым кірунку аб'ядналі і дзяржава, і грамадскія арганізацыі, і бізнес. Паколькі мы робім гэта ўсе разам, то ў нас усё хутка атрымліваецца. Прыемна, што акцыя падтрымліваецца ўсімі беларусамі, бо калі людзі збіраюць дабраахвотныя ахвяраванні ў фонд міру, то яны бачаць, куды накіроўваюцца гэтыя сродкі.

Абсталяванне адной палаты абыходзіцца ў чатыры тысячы рублёў, у краіне іх абсталявана ўжо каля 500. Нягледзячы на тое, што ўрачыстае адкрыццё толькі адбылося, у некаторых палатах ужо з'явіліся першыя пацыенты. 84-гадовая мінчанка Марыя Афанасьеўна Васілёнак — адна з іх. «Адразу з карабля на баль», — жартуе жанчына і прызнаецца, што не чакала апынуцца ў такіх камфортных умовах.

— Штогод у нашым анкалагічным дыспансеры пралечваецца каля 40 тысяч пацыентаў, сярод іх — вялікая колькасць пажылых людзей, у тым ліку ветэранаў, — адзначае галоўны ўрач Мінскага гарадскога клінічнага анкалагічнага дыспансера Віктар Кандратовіч. — Мы стараемся, каб яны знаходзіліся ў камфортных умовах.

Алена КРАВЕЦ

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.