Вы тут

На гэтым тыдні ў кватэрах павінна пацяплець


Школы, дзіцячыя сады, бальніцы, музеі, бібліятэкі і іншыя сацыяльныя ўстановы па ўсёй краіне пачалі ацяпляць яшчэ ў панядзелак, а сёння абяцаюць пачаць падаграваць і жылыя дамы Беларусі. Пры гэтым у аўторак гомельскія ўлады, напрыклад, ужо завяршылі падключэнне ацяплення сацыяльных аб'ектаў, брэсцкія — толькі распачалі ацяпляльны сезон, а віцебскія — пусцілі цяпло ў кватэры сваіх жыхароў.


Варта адзначыць, што ўсе абазначаныя аб'екты знаходзяцца ў рэжыме працеплівання. Гэта значыць, што хоць батарэі навобмацак будуць здавацца халоднымі, грэцца яны працягнуць (цепланосьбіт у іх будзе меншай тэмпературы). Такім чынам, падключаныя сістэмы ацяплення працуюць, калі сярэднясутачная тэмпературы паветра на вуліцы 10 градусаў і вышэй.

Нагадаем, што падстава для пачатку ацяплення ў аб'ектах сацыяльнай сферы — сярэднясутачная тэмпература за акном 10 градусаў і ніжэй на працягу пяці дзён. А для падключэння цяпла ў жыллі сярэднясутачная тэмпература на вуліцы павінна трымацца 8 градусаў і ніжэй на працягу пяці дзён. Апошнімі, як заўжды, пачнуць абаграваць прамысловыя і адміністрацыйныя будынкі.

Рашэнне аб пачатку ацяплення ў раёнах краіны прымаюць мясцовыя ўлады. Усім ім з аблвыканкамаў накіраваны лісты з адпаведнымі рэкамендацыямі. Мяркуючы па прагназаваных у краіне дажджах і максімальнай тэмпературы ў 14 градусаў днём, да канца гэтага тыдня ацяпленне павінна з'явіцца ва ўсіх кватэрах краіны. Вядома, калі не здарыцца пазаштатных сітуацый пры падключэнні.

Нягледзячы на прынятыя рашэнні, пацяплець аднамомантна ва ўсіх не можа, інакш праз рэзка павышаны ў трубах ціск існуе рызыка аварый і парываў. Працэс падключэння цяпла цягнецца некалькі дзён. Каб абагрэць сацыяльныя ўстановы, трэба два-тры дні, для падключэння жылля — да пяці дзён. Жыхарам старога жылфонду, дарэчы, рэкамендуюць звяртаць увагу на «паводзіны» батарэй падчас іх падключэння.

Ірына СІДАРОК, фота аўтара

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.