Вы тут

Дзень без аўтамабіля пройдзе ў Мінску. Кіроўцам прапануюць бясплатны праезд, веласіпедыстам — садавіну


Да міжнароднай акцыі «Дзень без аўтамабіля», якая праводзіцца штогод 22 верасня і завяршае Еўрапейскі тыдзень мабільнасці, далучыўся Мінск, паведамляе агенцтва «Мінск-Навіны».


Гэты дзень пачнецца з масавага велапрабегу, у якім возьмуць удзел кіраўніцтва Мінгарвыканкама і адміністрацыі раёнаў горада. Калона веласіпедыстаў пройдзе па пр. Незалежнасці ад вул. Каліноўскага да плошчы Незалежнасці. Адбудзецца і электрапрабег, падчас якога запрошаныя госці праедуць на электрасамакатах, электравеласіпедах, гіраскутэрах ад парку Перамогі да жылога раёна Лебядзіны.

У гэты дзень гараджанам абяцаюць велашэрынг са зніжкамі, а для тых, хто перамяшчаецца на двухколавым транспарце, традыцыйна ладзяць акцыю «На працу на ровары!». Яна мае на ўвазе ўладкаванне на вуліцах горада энергетычных і інфармацыйных кропак для веласіпедыстаў з раздачай садавіны і інфармацыйных матэрыялаў аб Еўрапейскім тыдні мабільнасці і Дні без аўтамабіля. Такія пункты размесцяцца каля ўваходу ў Цэнтральны батанічны сад НАН Беларусі, насупраць «Мінск-Арэны» уздоўж веладарожкі і ў раёне ўнівермага «Беларусь».

Ёсць спецыяльная прапанова для аўтамабілістаў: у гэты дзень ім даецца права бясплатнага праезду ў грамадскім транспарце. Каб ім скарыстацца, дастаткова прад’явіць пасведчанне кіроўцы і тэхпашпарту на машыну.

Прэв'ю: pixabay.com

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.