Вы тут

На беларуска-польскай мяжы знойдзены збіты іншаземец без прытомнасці


На беларуска-польскай мяжы знойдзены збіты іншаземец без прытомнасці, паведамляе БелТА са спасылкай на Дзяржпамежкамітэт.


«Сілавікі сумежных краін ужываюць новую тактыку незаконнага выправаджэння ўцекачоў: для застрашвання мігрантаў, якія імкнуцца атрымаць прытулак у краінах Еўразвязу, праваахоўнікі дастаўляюць да мяжы збітых, вельмі знясіленых замежнікаў і выкідваюць на тэрыторыю Беларусі», — распавялі ў Камітэце.

Чарговы выпадак адбыўся 21 верасня. У Свіслацкім раёне памежны нарад заставы «Тушэмля» Гродзенскай памежнай групы непасрэдна на лініі беларуска-польскай мяжы выявіў замежніка ў несвядомым стане з прыкметамі фізічнага гвалту. У гэты ж час на сумежным баку польскія сілавікі спакойна назіралі за тым, што адбываецца.

З улікам цяжкага стану бежанца ён быў дастаўлены на пагранзаставу, выкліканая брыгада хуткай медыцынскай дапамогі. Пасля першаснага агляду медыкамі высветлілася, што мужчына знаходзіцца ў коме і мае відавочныя прыкметы пераахаладжэння. Пры сабе ў замежніка знойдзены пашпарт грамадзяніна Ірака і адмоўны ПЦР-тэст польскай медустановы.

Згодна з запісам, зробленым у польскай карце неадкладнай меддапамогі, 20 верасня польскія памежнікі выявілі маладога чалавека ў дачным доме і на месцы паказалі медыкам. Падчас агляду лекары зафіксавалі шокавы стан, ваніты, скаргі на болі ў назе, крывацечныя пашкоджанні ад калючага дроту. Нягледзячы на цяжкі стан замежніка, якое працягвала пагаршацца, уся дапамога польскіх лекараў абмежавалася выдачай абязбольвальнага прэпарата. Мужчыну пакінулі на месцы выяўлення з прадстаўнікамі памежнай варты без далейшай шпіталізацыі. Акрамя таго, польскія сілавікі не далі дакументы пацярпелага медыкам для афіцыйнай фіксацыі стану асабістых звестак. Пазней сілавікі сумежнага боку проста выкінулі чалавека ў такім стане на лініі мяжы з Беларуссю.

Пацярпелы дастаўлены ў Свіслацкую цэнтральную раённую бальніцу. Грамадзянін Ірака прыйшоў у прытомнасць, яму аказваецца неабходная меддапамога.

Выбар рэдакцыі

У свеце

На краі бездані. Чаму Латвію захліснула пандэмія?

На краі бездані. Чаму Латвію захліснула пандэмія?

У Латвіі ўведзены жорсткі лакдаўн, каб прыпыніць распаўсюджванне COVІD-19.

Эканоміка

З «шэрымі» выплатамі цяпер лепш не рызыкаваць

З «шэрымі» выплатамі цяпер лепш не рызыкаваць

КДК выявілі 30 злачынстваў па выплаце зарплаты ў канвертах.

Эканоміка

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

 У краіне завяршаецца уборачная кампанія, скончана сяўба азімых культур.