Жыхар Пружанскага раёна пазбавіўся больш як Br7 тыс., падзяліўшыся банкаўскай картай са знаёмым, паведамілі БелТА ва УУС Брэсцкага аблвыканкама.
У Пружанскі РАУС звярнуўся 53-гадовы вясковец і паведаміў, што некалькі дзён назад з яго банкаўскага рахунку зніклі больш Br7,2 тыс., якія засталіся ад продажу кватэры. Са слоў заяўніка, некалькі дзён запар ён прымаў гасцей і распіваў з імі спіртное. Калі алкаголь заканчваўся, гаспадар адпраўляў сяброў у краму за дадаткам. За пакупкі яны разлічваліся яго карткай. Праз некаторы час вясковец выявіў прапажу грошай.
Аператыўнікі ўстанавілі, што да гэтага датычны 35-гадовы госць пацярпелага. Мужчына прызнаў віну і патлумачыў, што зняў з чужой карткі ў банкамаце наяўныя за тры аперацыі. Частку грошай ён страціў, а астатнія выдаткаваў на асабістыя патрэбы.
Узбуджана крымінальная справа.
Прэв'ю: pixabay.com
Мерапрыемства праводзіцца на добраахвотнай аснове.
Не выявіць ні секунды абыякавасці.
