Вы тут

Мінсельгасхарч: экспарт бульбы з Беларусі значна перасягае імпарт


Экспарт бульбы з Беларусі значна перасягае імпарт, паведамілі карэспандэнту БЕЛТА ў прэс-службе Міністэрства сельскай гаспадаркі і харчавання.


«Штогод у Беларусі ў гаспадарках усіх катэгорый атрымліваюць каля 6 млн т бульбы, з іх больш за 80 працэнтаў (каля 5 млн т) у гаспадарках насельніцтва, каля 1 млн т — у сельскагаспадарчых арганізацыях і сялянскіх (фермерскіх) гаспадарках. Штогадовыя аб’ёмы атрымання бульбы дазваляюць у поўным аб’ёме забяспечыць патрэбнасці краіны. На экспарт у студзені-ліпені пастаўлена бульбы ў аб’ёме 99,3 тыс. т на $25,8 млн (на 15,2 працэнта больш, чым у адпаведным перыядзе 2020 года), што ў 3,6 раза перавышае вартасны аб’ём імпарту», — расказалі ў прэс-службе.

Паводле даных Нацыянальнага статыстычнага камітэта, за студзень-ліпень 2021 года ўвезена ў Беларусь 17,5 тыс. т бульбы (0,3 працэнта ад усёй вытворчасці ў краіне), з іх 12 працэнтаў для вытворчасці чыпсаў. «Традыцыйна на першае паўгоддзе прыпадаюць найбольшыя аб’ёмы імпарту ў сувязі з увозам маладой бульбы з іншых краін (Азербайджан, Егіпет, Паўночная Македонія, Пакістан), доля Украіны ў агульным аб’ёме складае 30 працэнтаў (5,3 тыс. т). За студзень-ліпень 2021 года ва Украіну вывезена 6,8 тыс. т бульбы», — растлумачылі ў ведамстве. З пачатку масавай уборкі бульбы ўраджаю 2021 года (жнівень-верасень) у Беларусь паступіла 568 т клубняў, асноўны напрамак выкарыстання — прамысловая перапрацоўка.

Да выкарыстання на тэрыторыі Беларусі дапушчана 184 сарты бульбы айчыннай і замежнай селекцыі рознага мэтавага прызначэння (для вытворчасці замарожанай, гарнірнай бульбы, аладак бульбяных, печанай бульбы, паўфабрыкату «фры», чыпсаў і іншых мэт). У структуры пасадак бульбы 75 працэнтаў займаюць сарты беларускай селекцыі і 25 працэнтаў — замежныя.

Асноўныя напрамкі выкарыстання ўраджаю 2021 года: насенне — 185 тыс. т, прамысловая перапрацоўка — 200 тыс. т, гандаль, грамадскае харчаванне (уключаючы стабілізацыйныя фонды) — 100 тыс. т, іншая рэалізацыя, уключаючы экспарт — больш за 400 тыс. т. «Для гарантаванага забеспячэння насельніцтва свежай прадукцыяй у міжсезонны перыяд года, штогод ажыццяўляецца закладка стабілізацыйных фондаў у аб’ёмах, неабходных для бесперабойнага гандлю. Патрэбнасць гандлёвых арганізацый у харчовай бульбе складае каля 100 тыс. т, або 11 працэнтаў ад вытворчасці ў грамадскім сектары краіны. Для захаванасці атрыманага ўраджаю у вытворцаў ёсць бульбасховішчы ёмістасцю 775 тыс. т. У сельскагаспадарчых арганізацыях і сялянскіх (фермерскіх) гаспадарках ёсць абсталяванне па перадпрадажнай падрыхтоўцы бульбы (ачыстка, сартаванне, каліброўка, мыццё, сушка, фасоўка ў розныя тары)», — адзначылі ў Мінсельгасхарчы.

У перыяд масавай уборкі ўраджаю сельскагаспадарчыя арганізацыі і фермерскія гаспадаркі традыцыйна прымаюць актыўны ўдзел у кірмашах, выязным гандлі на спецыяльных гандлёвых пляцоўках, дзе прадукцыя рэалізуецца непасрэдна ад вытворцаў. Традыцыйна восеньскія кірмашы стартуюць у верасні, аб іх правядзенні Мінгарвыканкам інфармуе жыхароў сталіцы. Сельгасвытворцы рэалізуюць бульбу па аптовай цане Br0,5-0,6 за 1 кг.

Прэв'ю: pixabay.com

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.