Вы тут

Цёплы дождж плюс парывісты вецер


Быццам бы ўсё супакоілася. Цыклон «Роланд», які амаль тыдзень заліваў нас халоднымі дажджамі, паступова губляе свае пазіцыі. Але гэта не значыць, што ападкі спыняцца. У бліжэйшы час на тэрыторыю нашай краіны занясе актыўныя атмасферныя франты ад наступнага цыклона, які змяшчаецца ў наш бок з Балтыйскага мора, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды. Таму ў выхадныя будзе дастаткова мокра.


Фота: pixabay.com

Калі ў пятніцу на большай частцы краіны пройдуць дажджы, у многіх раёнах дастаткова моцныя. То ў выхадныя інтэнсіўнасць ападкаў будзе невялікая. Максімальная тэмпература паветра заўтра ўдзень будзе ад плюс 9 градусаў да 15 цяпла.

Таксама, амаль на ўсёй тэрыторыі краіны, будуць ісці кароткачасовыя дажджы і ў суботу. Вецер прагназуецца заходні парывісты. Тэмпература паветра ўначы складзе 4–11 градусаў вышэй за нуль. Удзень будзе ўжо цяплей — ад плюс 10 градусаў да 16 цяпла, па паўднёвым захадзе краіны — да плюс 18 градусаў.

У нядзелю ападкі будуць назірацца ўжо не ва ўсіх рэгіёнах краіны. У гэты дзень месцамі, пераважна па ўсходзе краіны, пройдуць кароткачасовыя дажджы. Уначы і раніцай чакаецца слабы туман. Вецер прагназуецца паўночна-заходні, паўднёва-заходні парывісты. Тэмпература паветра ўначы складзе ад плюс 4 градусаў да 11 градусаў вышэй за нуль. Удзень будзе 11–16 цяпла, па паўднёвым захадзе — да плюс 18 градусаў.

Паводле папярэдніх прагнозаў айчынных сіноптыкаў, апошні тыдзень верасня пачнецца з узмацнення ўплыву скандынаўскага антыцыклону. Ён прынясе нам далейшае пахаладанне. У першыя дні наступнага тыдня аблокаў у небе стане менш, і верагоднасць ападкаў чакаецца невялікая. Па чаканнях спецыялістаў, з панядзелка да серады будзе пераважна без ападкаў. Уначы і раніцай месцамі магчымы туман. Тэмпература паветра ўначы складзе 1–7 градусаў вышэй за нуль, а на глебе ў асобных раёнах магчымыя замаразкі да мінус 2 градусаў. Удзень будзе ад плюс 7 да 14 градусаў цяпла, па паўднёвым захадзе краіны — да 16 градусаў вышэй за нуль.

Сяргей КУРКАЧ

Прэв’ю: pixabay.com

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.