У наступную пятніцу, 1 кастрычніка, будзе адзначацца Міжнародны дзень музыкі. Вядома, гэтая падзея знойдзе адлюстраванне ў эфіры сацыякультурнага тэлеканала. Нас чакаюць канцэрты і выпуск праграмы «Камертон», дзе героем стаў дырыжор Аляксандр Сасноўскі. А ўжо ў гэтыя выхадныя ўсіх прыхільнікаў музыкі тут парадуюць прэм'ерай...
Улетку тэлеканал «Беларусь 3» сумесна з сімфанічным аркестрам медыяхолдынга пад кіраўніцтвам галоўнага дырыжора Аляксандра Высоцкага распачаў запіс цыкла тэматычных канцэртных праграм, прысвечаных гісторыі беларускага акадэмічнага музычнага мастацтва.
І вось у вячэрнім эфіры 25 і 26 верасня гледачоў сацыякультурнага тэлеканала чакаюць вечары з сімфанічным аркестрам. Канцэрт «Беларускія вытокі», дзе прагучыць музыка кампазітараў ХІХ стагоддзя — Караля Ельскага, Плашыны, Язэпа Казлоўскага, Напалеона Орды і Станіслава Манюшкі — будзе трансліравацца ў суботу. А ў нядзелю аўдыторыя пачуе і ўбачыць канцэрт «Чатыры стагоддзі», дзе прагучыць тэатральныя творы беларускіх кампазітараў. Сярод аўтараў — Ян Давід Голанд, Станіслаў Манюшка, Анатоль Багатыроў, Яўген Глебаў, Кацярына Шымановіч, Вячаслаў Кузняцоў, Галіна Гарэлава, Генрых Вагнер, Уладзімір Солтан і Сяргей Картэс.
Што да святочных акцэнтаў у Міжнародны дзень музыкі, то тэлеканал нам прапануе канцэрты пераможцаў конкурсу «Маладыя таленты Беларусі». Эстраду і фальклор для аўдыторыі падрыхтавалі ў дзённым эфіры, а познім вечарам меламанаў чакае канцэрт класікі.
Алена ДРАПКО
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
