Да супрацоўнікаў аддзела па барацьбе з эканамічнымі злачынствамі Савецкага РУУС Мінска звярнуўся дырэктар аднаго са сталічных гульнявых клубаў з паведамленнем пра тое, што выяўлена буйная нястача.
Вывучыўшы запісы з камер відэаназірання і правёўшы шэраг аператыўна-вышуковых мерапрыемстваў, супрацоўнікі міліцыі ўстанавілі асобы выкрадальнікаў грошай. Імі апынуліся 24-гадовы адміністратар і 25-гадовы бармен-касір гэтай жа гульнявой установы.
Высветлілася, што маладыя людзі на працягу месяца падчас сваёй працоўнай змены бралі грошы з касы для гульні ў аўтаматы. Не адыграўшыся, па ўнутраным уліку нястачу грошай адлюстроўвалі ў выглядзе гульнявых манет клуба. Па інфармацыі ГУУС Мінгарвыканкама, агульная сума шкоды склала больш за 10000 рублёў.
Следчыя далі прававую ацэнку затрыманым і распачалі крымінальную справу па факце прысваення або растраты маёмасці асобай, якой яна даверана.
Сяргей РАСОЛЬКА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.