У аператыўна-дзяжурную службу Ленінскага РАУС Магілёва з заявай звярнуўся 23-гадовы гараджанін, які распавёў, што стаў ахвярай злачынства: ён аддаў свой аўтамабіль у рамонт, аднак назад атрымаў яго зусім не ў той камплектацыі, што была раней. Па інфармацыі УУС Магілёўскага аблвыканкама, у машыны не хапала чатырох шын, аўтамагнітолы і дыванка на агульную суму ў 720 рублёў.
Супрацоўнікі аддзела крымінальнага вышуку высветлілі, што чужыя камплектуючыя ад аўтамабіля забраў сабе 36-гадовы... дырэктар аўтасэрвісу, у які і звярнуўся па дапамогу заяўнік. Усё гэта мужчына перапрадаў. Растлумачыць логіку сваіх паводзін ён так і не змог.
Выпадак згубы камплектуючых частак з аўтамабіля адбыўся яшчэ ў адной арганізацыі, спецыяліст якой пакінуў службовы транспартны сродак у дзённы час на вуліцы, прыпаркаваным каля аднаго з дамоў па вуліцы Першамайскай. Гэтым скарыстаўся 29-гадовы мясцовы жыхар, які выкраў з аўтамабіля выпускны калектар коштам каля 1032 рублёў. Яго мужчына перапрадаў, а атрыманыя грошы выдаткаваў на асабістыя патрэбы.
Зараз у дачыненні да падазраваных распачаты крымінальныя справы, следчымі дадзена прававая ацэнка.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».